ബേഡകം: സഞ്ചാരികളുടെ കണ്ണുകളില്‍ വിസ്മയം തീര്‍ത്ത് മിനിവെള്ളച്ചാട്ടം കാഴ്ചക്കാര്‍ക്ക് വിരുന്നാകുന്നു. ബേഡഡുക്ക പഞ്ചായത്തിലെ തോണിക്കടവ് ചൊട്ടയിലാണ് സഞ്ചാരികള്‍ക്ക് ആഹഌദം പകര്‍ന്ന് മഴവെള്ളം പാറക്കെട്ടുകളിലൂടെ പാദസരം പോലെ കുത്തിയൊഴുകുന്നത്.
ചന്ദ്രഗിരി പുഴയുമായി കൂടി ചേരുന്ന പയസ്വിനി പുഴയിലേക്കാണ് ചൊട്ടയിലെ കാട്ടരുവിയുടെ കുതിപ്പ്. ജില്ലയുടെ വിവിധ ഭാഗങ്ങളില്‍ നിന്നു പ്രകൃതി സ്‌നേഹികളായ സഞ്ചാരികളും വിദ്യാര്‍ഥികളുമടക്കം നിരവധി പേരാണ് ചൊട്ടയിലെ വെള്ളച്ചാട്ടം കാണാനെത്തുന്നത്.
കുണ്ടംകുഴിയില്‍ നിന്നു മൂന്നു കിലോമീറ്റര്‍ അകലെയാണ് ഈ പ്രദേശം. ഇതിനു സമീപത്തായി തോണിക്കടവിലും കാഴ്ചക്കാരെ ആകര്‍ഷിക്കുന്ന വെള്ളച്ചാട്ടമുണ്ട്. ഇവിടെ വിദേശികളടക്കമുള്ളവര്‍ സന്ദര്‍ശനത്തിനായി എത്താറുണ്ട്.