സ്വന്തം ലേഖകര്‍ 

കൊവിഡ് ബാധിച്ച് കഴിഞ്ഞ ദിവസം ഗള്‍ഫില്‍ നാല്  മലയാളികള്‍ കൂടി മരിച്ചു. റിയാദില്‍ കോഴിക്കോട് കൊടുവള്ളി കളരാന്തിരി പട്ടിണിക്കര കെ.കെ അബ്ദുല്‍ സലാമിന്റെ മകന്‍ സാബിര്‍ അബ്ദുല്‍ സലാം (22), ജിദ്ദയില്‍ കൊല്ലം കൊല്ലൂര്‍വിള പള്ളിമുക്ക് പായിക്കുളം ശൈഖുനാ നഗര്‍- 67 ഷംലി മന്‍സിലില്‍ സൈനുല്‍ ആബിദീന്‍ (55), ദുബൈയില്‍ കോഴിക്കോട് നടുവണ്ണൂര്‍ മന്ദങ്കാവിലെ കുന്നങ്കണ്ടി മേലേടുത്ത് രാമചന്ദ്രന്‍ (63), ജുബൈലില്‍ പത്തനംതിട്ട മാഞ്ഞാലിക്കര ഓമല്ലൂര്‍ വടക്കേതുണ്ടില്‍ ജോസ് ഫിലിപ്പോസ് മാത്യു (57) എന്നിവരാണ് മരിച്ചത്.  

സാബിര്‍ അബ്ദുല്‍ സലാമിന്റെ പിതാവ് അബ്ദുല്‍ സലാം റിയാദ് കെ.ഡി.എം.എഫ് മുന്‍ വൈസ് ചെയര്‍മാനും നേറ്റിവ് വിങ് ചെയര്‍മാനും കെ.എം.സി.സി സെന്‍ട്രല്‍ കമ്മിറ്റി സെക്രട്ടറിയും പട്ടിണിക്കര ഡിവിഷന്‍ മുസ്‌ലിം ലീഗ് സെക്രട്ടറിയുമാണ്.  സാബിര്‍ റിയാദില്‍ പ്രിന്റിങ് പ്രസുമായി ബന്ധപ്പെട്ട് ജോലി ചെയ്തു വരികയായിരുന്നു. മാതാവ്: സുബൈദ, സഹോദരങ്ങള്‍: സബീഹ്, സല്‍വ, സ്വല്‍ഹ.

സൈനുല്‍ ആബിദീന്‍ ട്രക്ക് ഡ്രൈവറായി ജോലി ചെയ്തു വരികയായിരുന്നു. അവധി കഴിഞ്ഞ് അവസാനമായി കോഴിക്കോട് വിമാനത്താവളത്തില്‍നിന്ന് ജിദ്ദയിലേക്ക് പുറപ്പെട്ട വിമാനത്തിലാണ് മടങ്ങിയത്. പിതാവ്: അബ്ദുല്‍ റഹ്മാന്‍, മാതാവ്: സുബൈദ, ഭാര്യ: റഷീദ. മക്കള്‍: ഷംലി, സമീറ, സൈറ. മരുമക്കള്‍: മുഹമ്മദ് റോഷന്‍, സഫീര്‍, സുഹൈല്‍. രാമചന്ദ്രന്‍ ദുബൈയില്‍ സ്വകാര്യ കമ്പനിയില്‍ പബ്ലിക് റിലേഷന്‍സ് ഓഫിസറായിരുന്നു. പിതാവ് പരേതനായ കുന്നങ്കണ്ടി ശങ്കരന്‍ അടിയോടി. മാതാവ്: സരോജിനി അമ്മ. ഭാര്യ: പുഷ്പ കാവുന്തറ. മക്കള്‍: സുദേവ് ചന്ദ്രന്‍ (സി.എ വിദ്യാര്‍ഥി), സുസ്മിത ചന്ദ്രന്‍, മരുമകന്‍: അരുണ്‍ ലാല്‍ (കാക്കൂര്‍), സഹോദരങ്ങള്‍ രാധാകൃഷ്ണന്‍ (ദുബൈ), സുകുമാരന്‍ , രമേശന്‍ (ദുബൈ). ജോസ് ഫിലിപ്പോസ് മാത്യു 28 വര്‍ഷമായി സ്വകാര്യ കമ്പനിയിലെ ടെക്‌നീഷ്യനായി ജോലി ചെയ്യുകയായിരുന്നു. ഭാര്യ: സുഫി. മക്കള്‍: ജെയ്‌സണ്‍, ജെയ്‌സിബ.