ഹൈദരാബാദ്: സീസണിലെ ആദ്യ മത്സരത്തില്‍ തോല്‍വിയറിഞ്ഞ ടീമുകളായ രാജസ്ഥാന്‍ റോയല്‍സും സണ്‍റൈസേഴ്‌സ് ഹൈദരാബാദും ഇന്ന് ഇറങ്ങുന്നു. കിങ്‌സ് ഇലവന്‍ പഞ്ചാബിനോടായിരുന്നു രാജസ്ഥാന്റെ തോല്‍വി. ജയത്തിലേക്ക് കുതിക്കുകയായിരുന്ന മത്സരത്തിന്റെ ഗതി മാറ്റിയത് അശ്വിനായിരുന്നു. മികച്ച ഫോമില്‍ നില്‍ക്കുകയായിരുന്ന ബട്‌ലറെ മങ്കാദിങ്ങിലൂടെ പുറത്താക്കിയാണ് പഞ്ചാബ് ജയത്തിലേക്ക് നീങ്ങിയത്. ബട്‌ലര്‍ ക്രീസില്‍ നില്‍ക്കുകയായിരുന്നെങ്കില്‍ ഒരു പക്ഷെ മത്സരം രാജസ്ഥാന്റെ വരുതിയിലാകുമായിരുന്നു. മികച്ച മുന്നൊരുക്കവുമായി ഇറങ്ങിയിട്ടും

കൊല്‍ക്കത്തയോടായിരുന്നു സണ്‍റൈസേഴ്‌സ് ഹൈദരാബാദ് പരാജയപ്പെട്ടത്. ആറ് വിക്കറ്റിനായിരുന്നു ഹൈദരാബാദിന്റെ തോല്‍വി. നീണ്ട ഇടവേളക്ക് ശേഷം ഗ്രൗണ്ടിലേക്ക് തിരിച്ചെത്തിയ വാര്‍ണര്‍ അടിച്ചു തകര്‍ത്തെങ്കിലും ബൗളര്‍മാര്‍ക്ക് പിടിച്ച് നില്‍ക്കാനായില്ല. 85 റണ്‍സ് എടുത്താണ് വാര്‍ണര്‍ തിരിച്ച് വരവ് ഗംഭീരമാക്കിയത്. ഇന്നത്തെ മത്സരത്തിലും വാര്‍ണര്‍ക്ക് ക്രീസില്‍ പിടിച്ച് നില്‍ക്കാനായാല്‍ രാജസ്ഥാന്‍ ബൗളര്‍മാര്‍ക്ക് വിയര്‍ക്കേണ്ടി വരും.

ആദ്യ മത്സരത്തില്‍ മൂന്ന് വിക്കറ്റ് മാത്രം നഷ്ടത്തിലായിരുന്നു ഹൈദരാബാദ് 181 റണ്‍സ് കണ്ടെത്തിയത്. ജോണി ബ്രിസ്‌ടോ 39ഉം വിജയ് ശങ്കര്‍ 40 റണ്‍സാണ് കണ്ടെത്തിയത്. ഇന്ന് ഹൈദരാബാദിന്റെ ബൗളര്‍മാര്‍ കൂടി കനിഞ്ഞാല്‍ മാത്രമേ രാജസ്ഥാനെ പരാജയപ്പെടുത്താന്‍ ഹൈദരാബാദിന് കഴിയൂ.