കല്‍പറ്റ: വയനാട് ലോക്‌സഭാ മണ്ഡലം ഇടതുപക്ഷ ജനാധിപത്യ മുന്നണി സ്ഥാനാര്‍ത്ഥി പി.പി സുനീര്‍ വരണാധികാരി മുന്‍പാകെ നാളെ പത്രിക സമര്‍പ്പിക്കും. കല്‍പ്പറ്റ കേന്ദ്ര കമ്മറ്റി ഓഫിസില്‍ നിന്ന് ഘടക കക്ഷി മുന്നണി നേതാക്കളുടേയും പ്രവര്‍ത്തകരുടെയും അകമ്പടിയോടെ പ്രകടനമായി എത്തിയാവും പത്രിക സമര്‍പ്പിക്കുക. വയനാട് പാര്‍ലമെന്റ് മണ്ഡലം എസ്.ഡി.പി.ഐ സ്ഥാനാര്‍ഥി ബാബുമണി കരുവാരക്കുണ്ട് ഇന്ന് നാമനിര്‍ദേശ പത്രിക സമര്‍പ്പിക്കും. മലപ്പുറം അമ്പലപ്പടി പുല്ലൂര്‍ കോളനിയിലെ കര്‍ഷകനാണ് ബാബുമണി.