കുമ്പള (കാസര്‍കോട്): കുമ്പള നായിക്കാപ്പില്‍ കാര്‍ നിയന്ത്രണം വിട്ട് മറിഞ്ഞ് രണ്ട് യുവാക്കള്‍ മരിച്ചു. കുമ്പള ബദ്‌രിയാ നഗറിലെ അബൂസാലി-ഹസീന ദമ്പതികളുടെ മകന്‍ ഹുസൈഫ് (18), ഇയാളുടെ ബന്ധു കാസര്‍കോട് തളങ്കര സ്വദേശി ഹസ്സന്‍ മിദ്‌ലാജ് (18) എന്നിവരാണ് മരിച്ചത്.
ഇവരുടെ കൂടെ കാറിലുണ്ടായിരുന്ന മൊഗ്രാലിലെ കുഞ്ഞഹമ്മദിന്റെ മകന്‍ ഷമീം ഷഹലിനെ ഗുരുതര പരുക്കുകളോടെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. കുമ്പള ബദിയഡുക്ക റോഡില്‍ നായിക്കാപ്പ് ലിറ്റില്‍ ലില്ലി ഇംഗ്ലീഷ് മീഡിയം സ്‌കൂളിന് സമീപം ഇന്നലെ വൈകിട്ടാണ് അപകടമുണ്ടായത്. നിയന്ത്രണം വിട്ട് മറിഞ്ഞ കാര്‍ പാതയോരത്തെ മരത്തിലിടിച്ച് നില്‍ക്കുകയായിരുന്നു. കാര്‍ പൂര്‍ണമായും തകര്‍ന്നു.
കാറിനടിയില്‍ കുടുങ്ങിയ യുവാക്കളെ നാട്ടുകാരാണ് പുറത്തെടുത്തത്. ഒരാള്‍ സംഭവസ്ഥലത്തും മറ്റൊരാള്‍ കുമ്പളയിലെ സഹകരണാശുപത്രിയിലുമാണ് മരിച്ചത്.