ചെര്‍ക്കള: 'സുപ്രഭാതം' അഞ്ചാം വാര്‍ഷികത്തിന്റെ ഭാഗമായി നേതൃസംഗമം നടന്നു. ചെര്‍ക്കള ഖുവ്വത്തുല്‍ ഇസ്ലാം മദ്റസയില്‍ നടന്ന സംഗമം 'സുപ്രഭാതം' അസിസ്റ്റന്റ് സി.ഇ.ഒ ഐ.എം അബ്ദുല്‍ റഹിമാന്‍ ഉദ്ഘാടനം ചെയ്തു. ജംഇയത്തുല്‍ മുഅല്ലിമീന്‍ ജില്ലാ പ്രസിഡന്റ് ടി.പി അലി ഫൈസി അധ്യക്ഷനായി.
മുജീബ് ഫൈസി പൂലോട് വിഷയാവതരണം നടത്തി. 'സുപ്രഭാതം' കോഡിനേറ്റര്‍മാരായ സയ്യിദ് ഹുസൈന്‍ തങ്ങള്‍ മാസ്തിക്കുണ്ട്, അബൂബക്കര്‍ സാലൂദ് നിസാമി, എസ്.കെ.എസ്.എസ്.എസ്.എഫ് ജില്ലാ സെക്രട്ടറി മുഹമ്മദ് ഫൈസി കജ, മൂസ ഹാജി ചേരൂര്‍, അബ്ദുല്‍ റഹിമാന്‍ ഹാജി കടമ്പാര്‍, അബൂബക്കര്‍, ലത്വീഫ് മൗലവി,സുഹൈര്‍ അസ്ഹരി, മൊയ്തു ചെര്‍ക്കള, വി.കെ പ്രദീപന്‍ തുടങ്ങിയവര്‍ സംബന്ധിച്ചു.
ചടങ്ങില്‍ ജില്ലയിലെ റെയ്ഞ്ച് തലത്തിലുള്ള കോര്‍ഡിനേറ്റര്‍മാരും മറ്റു നേതാക്കളും സംബന്ധിച്ചു.