കാസര്‍കോട്: വ്യാപാരികളടക്കമുള്ളവരുടെ പ്രതിഷേധം ശക്തമായപ്പോള്‍ നഗരത്തില്‍ കുന്നുകൂടിയ മാലിന്യം ശുചീകരണ തൊഴിലാളികള്‍ ചാക്കിലാക്കി. ഇപ്പോള്‍ ചാക്കിലാക്കിയ മാലിന്യം എവിടെ തള്ളുമെന്നറിയാതെ വട്ടം കറങ്ങുകയാണ് നഗരസഭാ ശുചീകരണ വിഭാഗം. പുതിയ ബസ് സ്റ്റാന്റു മുതല്‍ റെയില്‍വേ സ്റ്റേഷന്‍ വരെയുള്ള റോഡരികില്‍ മാലിന്യം കുന്നുകൂടിയിരിക്കുകയാണ്. മാലിന്യം മഴവെള്ളത്തില്‍ ഒലിച്ച് റോഡിലാകെ പടര്‍ന്നപ്പോഴാണ് മാലിന്യ കൂമ്പാരം ചാക്കിലാക്കി റോഡരികില്‍ തന്നെ കെട്ടി വെച്ച് കാസര്‍കോട് നഗരശുചീകരണ വിഭാഗം ജനങ്ങളെ അമ്പരപ്പിച്ചത്.