മലപ്പുറം: മെഡിക്കല്‍, എന്‍ജിനിയറിങ് കോഴ്‌സുകള്‍ ഉള്‍പ്പെടുന്ന 2016ലെ പ്രൊഫഷണല്‍ ഡിഗ്രി കോഴ്‌സുകളിലേക്കുള്ള മൂന്നാം അലോട്ട്‌മെന്റ് 20ന് പ്രസിദ്ധീകരിക്കും. എന്‍ജിനിയറിങ്, ആര്‍ക്കിടെക്ചര്‍, അഗ്രികള്‍ച്ചര്‍, വെറ്ററിനറി, ഫിഷറീസ്, ഫോറസ്ട്രി കോഴ്‌സുകളില്‍ ഒഴിവുള്ള സീറ്റുകളിലേക്കാണ് മൂന്നാംഘട്ടത്തില്‍ അലോട്ടമെന്റ് നടത്തുന്നത്. അതേസമയം, രണ്ടാംഘട്ട അലോട്ട്‌മെന്റ് ലഭിച്ചവര്‍ 15നകം അതതു കോഴ്‌സുകളില്‍ പ്രവേശനം നേടേണ്ടതാണ്. നിശ്ചിത സമയത്തിനകം പ്രവേശനം നേടാത്ത വിദ്യാര്‍ഥികളുടെ അലോട്ട്‌മെന്റും നിലവിലുള്ള എല്ലാ ഹയര്‍ ഒപ്ഷനുകളും റദ്ദാകും. കൂടാതെ ഇവര്‍ നിലവിലുള്ള കോഴ്‌സ് അല്ലെങ്കില്‍ കോളജുകളിലെ ഓണ്‍ലൈന്‍ അലോട്ട്‌മെന്റ് പ്രക്രിയയില്‍നിന്നു പുറത്താകും.