ശ്രീകൃഷ്ണപുരം : സമ്പന്നരല്ല പക്ഷെ സമ്പന്നമായ ഒരു ഹൃദയം ഉണ്ട് ശ്രീകൃഷ്ണപുരത്തെ ബസ് സ്റ്റാന്‍ഡിനു മുന്നിലെ ഓട്ടോ തൊഴിലാളികള്‍ക്ക്.നിര്‍ധനരായ ക്യാന്‍സര്‍ രോഗികള്‍ക്കും ഹൃദ്രോഗികള്‍ക്കും 10 കിലോമീറ്റര്‍ സൗജന്യമായ ഓട്ടോ യാത്ര സംഘടിപ്പിച്ചാണ് അവര്‍ മാതൃകയായത്. അത്യാഹിതമായ രോഗികള്‍ ആണെങ്കില്‍ യാത്ര സൗജന്യവുമാണ്. ചന്തപ്പുര ബസ് സ്റ്റാന്‍ഡ് ഓട്ടോ തൊഴിലാളികളുടെ മഹാ മനസ്‌കതയെ എല്ലാവരും ഒരേ പോലെ പ്രശംസിക്കുകയാണ്. സൗജന്യ യാത്ര അറിയിക്കുന്ന ബോര്‍ഡിന്റെ സ്ഥാപിക്കല്‍ കര്‍മം പഞ്ചയാത്ത് പ്രസിഡന്റ് ഷാജു ശങ്കര്‍ നിര്‍വഹിച്ചു.