തിരൂര്‍:  ഈ യന്ത്രം തെങ്ങില്‍ ഘടിപ്പിച്ചശേഷം മൊബൈല്‍ ഫോണിലൂടെ നിര്‍ദേശം നല്‍കിയാല്‍ മതി. ഉടന്‍ തെങ്ങില്‍ കയറുന്ന യന്ത്രം ഇതിലെ കാമറ വഴി വെട്ടിയിടാനുള്ള തേങ്ങാക്കുലകള്‍ കണ്ടെത്തും. തുടര്‍ന്ന് ഇതില്‍ പ്രത്യേകം ഘടിപ്പിച്ച കട്ടിങ് വീലുപയോഗിച്ച് തേങ്ങയിടും. ബാറ്ററി ഉപയോഗിച്ചാണു യന്ത്രം പ്രവര്‍ത്തിപ്പിക്കുന്നത്. സ്മാര്‍ട്‌ഫോണുമായി പ്രത്യേക ആപ്ലിക്കേഷനിലൂടെ ബന്ധിപ്പിച്ചതുകൊണ്ട് ഫോണ്‍ വഴി ഇതു നിയന്ത്രിക്കാനും കഴിയും. കവുങ്ങ്, പന, ഇലക്ട്രിക് പോസ്റ്റ് എന്നിവയിലെല്ലാം കയറാന്‍ ശേഷിയുള്ളവനാണ് ഈ യന്ത്രം. 300 മീറ്റര്‍ പരിധിയില്‍ നിന്ന് യന്ത്രത്തെ നിയന്ത്രിക്കാനാവും. 10,000 രൂപയ്ക്കുള്ളില്‍ നിര്‍മിക്കാന്‍ കഴിയുന്ന യന്ത്രത്തിന്റെ പേറ്റന്റിന് 2003ല്‍ തന്നെ രജിസ്റ്റര്‍ ചെയ്തിട്ടുണ്ട്. യന്ത്രത്തിന്റെ സോഫ്റ്റ്‌വെയര്‍രംഗത്ത് സഹോദരന്‍ ഫവാസുല്‍ റഹീമും ജംഷിദിനെ സഹായിക്കുന്നുണ്ട്.