കൊണ്ടോട്ടി: കെ.ടി.എം കുട്ടി സ്മാരക രണ്ടാമത് ഇന്‍സാനിയ അവാര്‍ഡിന് ഡോ. മുസ്തഫാ കമാല്‍ പാഷയെ തിരഞ്ഞെടുത്തതായി ഇന്‍സാനിയ ചാരിറ്റബിള്‍ ഫൗണ്ടേഷന്‍ ഭാരവാഹികള്‍ വാര്‍ത്താകുറിപ്പില്‍ അറിയിച്ചു.
ഇസ്‌ലാമിക പ്രബോധന പ്രവര്‍ത്തനരംഗത്തെ കമാല്‍പാഷയുടെ സമഗ്രസംഭാവനയെ പരിഗണിച്ചാണു അവാര്‍ഡ്. ഒന്നാമത് ഇന്‍സാനിയ അവാര്‍ഡ് ചരിത്ര, സാഹിത്യ മേഖലകളിലെ സംഭാവനകളെ ആസ്പദമാക്കി ഡോ. കെ.കെ മുഹമ്മദ് അബ്ദുല്‍ സത്താറിനായിരുന്നു നല്‍കിയിരുന്നത്. ഇന്ന് വൈകിട്ട് നാലിന് കൊണ്ടോട്ടി അമാന ടവറില്‍ നടക്കുന്ന ചടങ്ങില്‍ മന്ത്രി ഡോ. കെ.ടി ജലീല്‍ അവാര്‍ഡ്ദാനം നിര്‍വഹിക്കും. ടി.വി ഇബ്രാഹിം എം.എല്‍.എ അധ്യക്ഷനാകും. കെ.സി അബ്ദുറഹ്മാന്‍ അനുസ്മരണ പ്രഭാഷണം നടത്തും. അവാര്‍ഡ് ജേതാവിനെ ഡോ. കെ.കെ മുഹമ്മദ് അബ്ദുല്‍ സത്താര്‍ പരിചയപ്പെടുത്തും.