ന്യൂഡല്‍ഹി: നടപാതയില്‍ ഉറങ്ങിക്കിടക്കുന്നവര്‍ക്കിടയിലേക്ക് പ്ലസ് ടു വിദ്യാര്‍ഥി ഓടിച്ച കാര്‍ ഇടിച്ചുകയറി ഒരാള്‍ മരിച്ചു. സംഭവത്തില്‍ മൂന്ന് പേര്‍ക്ക് പരുക്കേറ്റു. വടക്കന്‍ ഡല്‍ഹിയിലെ കശ്മീരി ഗെയ്റ്റിന് സമീപം പൂലര്‍ച്ചെ 5.45നാണ് അപകടമുണ്ടായത്.

സംഭവവുമായി ബന്ധപ്പെട്ട് രണ്ടു പേരെ പൊലിസ് പിടികൂടിയിട്ടുണ്ട്. ഇരുവരും പ്ലസ്ടു വിദ്യാര്‍ഥികളാണ്. പ്ലസ് ടു വാര്‍ഷിക പരീക്ഷ കഴിഞ്ഞതിന്റ ആഘോഷത്തിലായിരുന്നു ഇവര്‍.

അമിത വേഗതയില്‍ ഓടിക്കൊണ്ടിരുന്ന കാര്‍ നിയന്ത്രണം വിട്ട് നടപ്പാതയിലേക്ക് ഇടിച്ചുകയറുകയായിരുന്നു.