ഇരിട്ടി: വിളക്കോട് ഗവ. യു.പി സ്‌കൂള്‍ വിദ്യാരംഗം സാഹിത്യ വേദിയുടെ ആഭിമുഖ്യത്തില്‍ വൈക്കം മുഹമ്മദ് ബഷീറിനെ അനുസ്മരിച്ചു. ബഷീറിന്റെ കഥാപാത്രങ്ങളായ പാത്തുമ്മയും ആടും ഖദീജയും അബിയും കഥാകാരനോടൊപ്പം കടന്നു വന്ന ദൃശ്യാവിഷ്‌കാരം വിദ്യാര്‍ഥികള്‍ അവതരിപ്പിച്ചു. മുന്‍ ഹെഡ്മാസ്റ്റര്‍ പി.വി മധുസൂദനന്‍ ഉദ്ഘാടനം ചെയ്തു. ഒ. ജുറൈജ്, ദീപ് നലക്ഷ്മി, എം.കെ ശഹന, അഷിത, ഫസല്‍, മാളവിക, അന്‍ഷാദ്, എന്നിവര്‍ ബഷീര്‍ കഥാപാത്രങ്ങളെ പുനരാവിഷ്‌കരിച്ചു.
വി.വി വിനോദ്, ദയാ മുകുന്ദ് സംസാരിച്ചു.ഇരിട്ടി ഹയര്‍ സെക്കണ്ടറി സ്‌കൂളില്‍ വിദ്യാരംഗം കലാസാഹിത്യ വേദിയുടെ ആഭിമുഖ്യത്തില്‍ സംഘടിപ്പിച്ച വൈക്കം മുഹമ്മദ് ബഷീര്‍ അനുസ്മരണവും ബഷീര്‍ കൃതികളെ അടിസ്ഥാനമാക്കിയ ക്വിസ് മത്സരവും എം. ബാബു ഉദ്ഘാടനം ചെയ്തു. ഇരിക്കൂര്‍ ഗവ: ഹയര്‍ സെക്കന്ററി സ്‌കൂള്‍ വിദ്യാരംഗം കലാ സാഹിത്യ വേദിയുടെ നേതൃത്വത്തില്‍ ബഷീര്‍ അനുസ്മരണവും അമ്മ വായനയും സംഘടിപ്പിച്ചു. ഹെഡ്മാസ്റ്റര്‍ മുരളീധരന്‍അധ്യക്ഷനായി. ടി.വി. വിലാസിനി ഉല്‍ഘാടനം ചെയ്തു. പെരുവളത്ത് പറമ്പ് റഹ്മാനിയ ഓര്‍ഫനേജ് എ.എല്‍.പി സ്‌കൂളില്‍ വിവിധ പരിപാടികളോടെ ബഷീര്‍ അനുസ്മരണം നടന്നു. പ്രധാനധ്യാപിക പി. ആയിഷ ഉദ്ഘാടനം ചെയ്തു. എന്‍.കെ സുലൈഖ അനുസ്മരണ പ്രഭാഷണം നടത്തി.