ഷാര്‍ജ: യു.എ. ഇ എസ്.കെ.എസ്.എസ്.എഫിന് കീഴില്‍ ചാര്‍ട്ടേഡ് ചെയ്ത രണ്ടാമത് വിമാനത്തില്‍ റാസല്‍ഖൈമയില്‍ നിന്നും കോഴിക്കോട്ടേക്ക് പുറപ്പെടുന്ന യാത്രക്കാര്‍ക്ക് ഷാര്‍ജ മുവൈലയില്‍ വെച്ച് യാത്രയയപ്പ് നല്‍കി തുടര്‍ന്നുള്ള ദിവസങ്ങളിലും യു.എ.ഇയിലെ വിവിധ എയര്‍പോര്‍ട്ടുകളില്‍ നിന്നായി 17 വിമാനങ്ങള്‍ ചാര്‍ട്ടര്‍ ചെയ്യുന്നതിനുള്ള നടപടികള്‍ പൂര്‍ത്തിയായിട്ടുണ്ട്.

യു.എ. ഇ എസ്.കെ.എസ്.എസ്. എഫ്. ട്രാവല്‍ ആന്റ് ലീഗല്‍ വിഭാഗം ചെയര്‍മാന്‍ ഷിഹാസ് സുല്‍ത്താന്റെ അധ്യക്ഷതയില്‍ നാഷനല്‍ കമ്മിറ്റിയുടെ നേതൃത്വത്തില്‍ ഒരുക്കിയ ഹൃദ്യമായ യാത്രയയപ്പ് സംഗമത്തില്‍ യു.എ.ഇ സുന്നീ കൗണ്‍സില്‍ വര്‍ക്കിങ് സെക്രട്ടറി അലവിക്കുട്ടി ഫൈസി മുതുവല്ലൂര്‍ ആദ്യ യാത്രക്കാരനുള്ള ടിക്കറ്റ് നല്‍കി ഉദ്ഘാടനം ചെയ്തു. യാത്രക്കാരുടെ സുരക്ഷാ സാമഗ്രികളടങ്ങിയ കിറ്റ് വിതരണ ഉദ്ഘാടനം പി കെ അന്‍വര്‍ നഹ നിര്‍വ്വഹിച്ചു. ഷാര്‍ജ ദഅവ സെന്റര്‍ സെക്രട്ടറി അബ്ദുള്ള ചേലേരി, ഷാര്‍ജ കെ.എം.സി.സി സെക്രട്ടറി അബ്ദുല്‍ ഖാദര്‍ ചക്കനാത്ത് എന്നിവര്‍ ആശംസകള്‍ നേര്‍ന്നു.

യാത്രയയപ്പിന് യു.എ.ഇ എസ്.കെ.എസ്.എസ്.എഫ് നാഷനല്‍ കമ്മിറ്റി പ്രസിഡന്റ് സയ്യിദ് ശുഐബ് തങ്ങള്‍, റസാക്ക് വളാഞ്ചേരി, ഖലീലു റഹ്മാന്‍ കാഷിഫി, ഹുസൈന്‍ ദാരിമി, ശറഫുദ്ധീന്‍ ഹുദവി, അശ്‌റഫ് ദേശമംഗലം, നുഅമാന്‍ തീരുര്‍, നൗഷാദ് ഫൈസി എന്നിവര്‍ നേതൃത്വം നല്‍കി. അബ്ദുല്‍ ജലീല്‍ ദാരിമി, അബ്ദുല്‍ ഖാദര്‍ ഫൈസി, ജംഷാദ് ഹുദവി, അബ്ദുല്‍ റഷീദ് ബാഖവി, കരീം ഫൈസി മുക്കോട്, മൊയ്ദു സി സി എന്നിവര്‍ സംബന്ധിച്ചു.