ഹരിപ്പാട്: ബംഗാളിലും ത്രിപുരയിലും തകര്‍ന്നടിഞ്ഞ സി.പി.എമ്മിന് ലോക്‌സഭാ തെരഞ്ഞെടുപ്പില്‍ എന്ത് പ്രസക്തിയുണ്ടെന്ന് ജനങ്ങള്‍ ചിന്തിക്കണമെന്ന് ഡി.സി.സി പ്രസിഡന്റ് അഡ്വ. എം. ലിജു. ആകെ പ്രതീക്ഷയുണ്ടായിരുന്ന കേരളത്തിലും പിണറായി സര്‍ക്കാരിന്റെ ദുര്‍വാശിയും ആക്രമരാഷ്ട്രിയവും കൊണ്ട് നിലതെറ്റിയിരിക്കുന്നു. യു.ഡി.എഫ് സ്ഥാനാര്‍ഥി ഷാനിമോള്‍ ഉസ്മാന്റെ ചേപ്പാട് മണ്ഡലം പ്രവര്‍ത്തക കണ്‍വന്‍ഷന്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
യു.ഡി.എഫ് മണ്ഡലം ചെയര്‍മാന്‍ കെ. സോമനാഥന്‍ നായര്‍ അധ്യക്ഷനായി. കെ.പി.സി.സി ജനറല്‍ സെക്രട്ടറി ബി. ബാബുപ്രസാദ് മുഖ്യപ്രഭാഷണം നടത്തി. ജോണ്‍ തോമസ്, എം.കെ വിജയന്‍, എം.കെ മണികുമാര്‍, സുജിത് എസ്. ചേപ്പാട്, കെ.കെ സുരേന്ദ്രനാഥ്, വി. രാധാകൃഷ്ണന്‍ നായര്‍, നൗഷാദ്, എന്‍. ചന്ദ്രന്‍, എം. മണിലേഖ, സനാജി, പി.എല്‍ തുളസി, രാധാ രാമചന്ദ്രന്‍ സംസാരിച്ചു.