ആലപ്പുഴ: ഷാനിമോളുടെ കൈവശം 4.30 ലക്ഷം രൂപയും സ്വകാര്യ വ്യക്തിക്ക് വായ്പ നല്‍കിയ ഇനത്തില്‍ 2.50 ലക്ഷം രൂപയുമുണ്ട്.
6.5 ലക്ഷം രൂപ വിലയുള്ള 2009 മോഡല്‍ ടൊയോട്ട ഇന്നോവ കാറും 4.62 ലക്ഷം രൂപ വില മതിക്കുന്ന 140 ഗ്രാം സ്വര്‍ണാഭരണവുമുണ്ട്. ഫെഡറല്‍ ബാങ്കില്‍ 29,024 രൂപയുടെയും എസ്.ബി.ഐയില്‍ 10,000 രൂപയുടെയും നിക്ഷേപവുമുണ്ട്. ആകെ മൂല്യം 18,32,004 രൂപ. ഇതിനും പുറമെ 80 ലക്ഷം രൂപ മതിപ്പ് വിലയുള്ള വീടും സ്വന്തമായുണ്ട്. ജീവിത പങ്കാളി ഉസ്മാന്റെ കൈവശം 4,10,000 രൂപയും വായ്പ നല്‍കിയ ഇനത്തില്‍ 3.30 ലക്ഷവുമുണ്ട്. 3,42,000 രൂപ വില മതിക്കുന്ന മാരുതി റിറ്റ്‌സ് കാറും 64014 വില മതിക്കുന്ന യമഹ ഫാസിനോ സ്‌കൂട്ടറും സ്വന്തമായുണ്ട്. ഇവയുടെ ആകെ മൂല്യം 18,31,839 വരും. എസ്.ബി.ഐയുടെ രണ്ട് ശാഖകളിലായി 52,3031 രൂപയും 16,187 രൂപയും വീതവും വിജയബാങ്കില്‍ 8,454 രൂപയും പെന്‍ഷന്‍ ട്രഷറിയില്‍ 96,966 രൂപയും ജില്ലാ ട്രഷറിയില്‍ 41,187 രൂപയും നിക്ഷേപമായുണ്ട്.പിന്തുടര്‍ച്ചയായി ലഭിച്ച 5543 ചതുരശ്ര അടി വസ്തുവില്‍ നിര്‍മാണ പ്രവര്‍ത്തനങ്ങള്‍ക്കായി 10,00,000 മുടക്കിയിട്ടുണ്ട്. ഇതിന്റെ ആകെ കമ്പോള വില 70 ലക്ഷം. മകന്‍ അലിഫ് സത്താര്‍ ഉസ്മാന്റെ പേരില്‍ ഫെഡറല്‍ ബാങ്കില്‍ 2100 രൂപയുടെ നിക്ഷേപമുണ്ട്. ഷാനിമോള്‍: 98,32,004, ഉസ്മാന്‍: 88,31,839, മകന്‍ അലിഫ് സത്താര്‍: 2100