ന്യൂഡല്‍ഹി: മലപ്പുറത്ത് വര്‍ഗീയ ധ്രുവീകരണമുണ്ടാക്കാന്‍ സി.പി.എം ബി.ജെ.പിയോട് മത്സരിച്ചുവെന്ന് മുതിര്‍ന്ന കോണ്‍ഗ്രസ് നേതാവ് വി.എം സുധീരന്‍. ഹൈക്കമാന്‍ഡുമായുള്ള ചര്‍ച്ചകള്‍ക്കായാണ് സുധീരന്‍ ഡല്‍ഹിയിലെത്തിയത്.
കുഞ്ഞാലിക്കുട്ടിയുടെ പൊതുസ്വീകാര്യതയും യു.ഡി.എഫ് പ്രവര്‍ത്തകരുടെ ഒറ്റക്കെട്ടായ പ്രവര്‍ത്തനവുമാണ് മലപ്പുറത്ത് അഭിമാനകരമായ വിജയം സമ്മാനിച്ചത്. സി.പി.എമ്മിന്റെയും ബി.ജെ.പിയുടെയും വര്‍ഗീയത ആളിക്കത്തിക്കാനുള്ള ശ്രമം മലപ്പുറത്തെ ജനങ്ങള്‍ പരാജയപ്പെടുത്തി.
കെ.പി.സി.സി അധ്യക്ഷനെ തെരഞ്ഞെടുപ്പിലൂടെ കണ്ടെത്തുന്നതാണ് ഏറ്റവും അഭികാമ്യം. ഇക്കാര്യത്തില്‍ ചര്‍ച്ചയിലൂടെ സമവായം ഉണ്ടാക്കണമെന്നും അദ്ദേഹം പറഞ്ഞു.