കൊല്ലം: കേരളാ ഫോട്ടോഗ്രാഫേഴ്‌സ് ആന്‍ഡ് വീഡിയോ ഗ്രാഫേഴ്‌സ് യൂനിയന്‍ (കെ.പി.വി.യു)രണ്ടാമത് ആലപ്പുഴ ജില്ലാ സമ്മേളനത്തിന്റെ ഭാഗമായി ചെങ്ങന്നൂരില്‍ വച്ച് നടന്ന സംസ്ഥാനതല ഫോട്ടോഗ്രാഫി മത്സരത്തില്‍ പിക്‌ച്ചോറിയല്‍ വിഭാഗത്തില്‍ സുരേഷ് ചൈത്രം ഒന്നാം സ്ഥാനത്തിന് അര്‍ഹനായി. 'ഈറ്റില്ലം' സൃഷ്ടിയുടെ നോവ് എന്ന ചിത്രത്തിനാണ് അവാര്‍ഡ്. ജനയുഗം കൊല്ലം യൂനിറ്റ് സ്റ്റാഫ് ഫോട്ടോഗ്രാഫര്‍ ആണ് സുരേഷ് ചൈത്രം. പതിനായിരം രൂപയും  ശില്‍പ്പവുമാണ് അവാര്‍ഡ്. രണ്ടും മൂന്നും സ്ഥാനങ്ങള്‍ കെ.ബി ഗിരീഷ് തൃശൂര്‍, സുരേഷ് കാമിയോ മലപ്പുറം എന്നിവര്‍ നേടി. ശനിയാഴ്ച്ച ചെങ്ങന്നൂരില്‍ നടക്കുന്ന ചടങ്ങില്‍ അവാര്‍ഡുകള്‍ വിതരണം ചെയ്യും.