ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ആഴ്‌സനലിന്റെ തോല്‍വി തുടരുന്നു. ഇന്നലെ നടന്ന മത്സരത്തില്‍ 2-1 എന്ന സ്‌കോറിന് ബ്രൈറ്റണോടാണ് ആഴ്‌സനല്‍ പരാജയപ്പെട്ടത്. സമനിലയില്‍ കലാശിക്കേണ്ട@ിയിരുന്ന മത്സരത്തില്‍ ഇഞ്ചുറി ടൈമിന്റെ അവസാന മിനുട്ടില്‍ ഗോള്‍ നേടിയാണ് ബ്രൈറ്റണ്‍ ആഴ്‌സനലിനെ പരാജയപ്പെടുത്തിയത്. 68ാം മിനുട്ടില്‍ നിക്കോളാസ് പെപ്പെയിലൂടെ ആഴ്‌സനലാണ് ആദ്യം ഗോള്‍ നേടിയത്. ശക്തമായ പോരാട്ടത്തിനൊടുവില്‍ 75ാം മിനുട്ടില്‍ ലെവിസ് ഡങ്ക് ബ്രൈറ്റണ് വേണ്ട@ി ഗോള്‍ മടക്കി. ഇഞ്ചുറി ടൈമിന്റെ അവസാന മിനുട്ടില്‍ നീല്‍ മുഅപ്പിയുടെ ഗോളിലായിരുന്നു ബ്രൈറ്റണ്‍ വെന്നിക്കൊടി പാറിച്ചത്. തോല്‍വിയോടെ ആഴ്‌സനല്‍ പട്ടികയില്‍ വീണ്ട@ും താഴേക്കിറങ്ങി. 30 മത്സരത്തില്‍ നിന്ന് 40 പോയിന്റുള്ള ആഴ്‌സനല്‍ പട്ടികയില്‍ പത്താം സ്ഥാനത്താണ് ഇപ്പോള്‍. ഇന്നലെ നടന്ന മറ്റൊരു മത്സരത്തില്‍ ക്രിസ്റ്റല്‍ പാലസ് എതിരില്ലാത്ത രണ്ട് ഗോളിന് ബേണ്‍മൗത്തിനെ പരാജയപ്പെടുത്തി. വോള്‍വ്‌സ് എതിരില്ലാത്ത ര@ണ്ട് ഗോളിന് വെസ്റ്റ് ഹാമിനേയും പരാജയപ്പെടുത്തി. 30 മത്സരത്തില്‍ നിന്ന് 46 പോയിന്റുമായി വോള്‍വ്‌സ് പട്ടികയില്‍ ആ
റാം സ്ഥാനത്താണിപ്പോള്‍.

അത്‌ലറ്റിക്കോയ്ക്ക് ജയം

മാഡ്രിഡ്: ലാലിഗയില്‍ അത്‌ലറ്റിക്കോ മാഡ്രിഡിന് ജയം. ഇന്നലെ നടന്ന മത്സരത്തില്‍ എതിരില്ലാത്ത ഒരു ഗോളിന് വയ്യഡോളിഡിനെയാണ് പരാജയപ്പെടുത്തിയത്. 81ാം മിനുട്ടില്‍ വിറ്റോളോയാണ് അത്‌ലറ്റിക്കോയുടെ വിജയ ഗോള്‍ നേടിയത്. ജയത്തോടെ അത്‌ലറ്റിക്കോ മാഡ്രിഡ് പട്ടികയില്‍ മൂന്നാം സ്ഥാനത്തെത്തി. 30 മത്സരത്തില്‍ നിന്ന് 52 പോയിന്റാണ് അത്‌ലറ്റിക്കോ മാഡ്രിഡിന്റെ സമ്പാദ്യം. ഇന്നലെ നടന്ന ഗറ്റാഫെ - എയ്ബര്‍ മത്സരം ഓരോ ഗോള്‍ വീതം അടിച്ച് സമനിലയില്‍ കലാശിച്ചു.