ആലപ്പുഴ: പൊതുജലാശയങ്ങളിലെ മത്സ്യസമ്പത്ത് വര്‍ധിപ്പിക്കുക എന്ന ലക്ഷ്യത്തോടെ ഫിഷറിസ് വകുപ്പ് നടപ്പിലാക്കി വരുന്ന സാമുഹ്യമത്സ്യകൃഷി പദ്ധതിയുടെ ഭാഗമായി ഫിഷറിസ് മാനേജ്‌മെന്റ് കൗണ്‍സിലിന്റെ നേതൃത്വത്തില്‍ തുറവൂര്‍ ഗ്രാമപഞ്ചായത്തിലെ തൈക്കാട്ടുശേരി ഫെറിയിലെ കായലില്‍് 50000 പൂമീന്‍ കുഞ്ഞുങ്ങളെ നിക്ഷേപിച്ചു.
തുറവൂര്‍ ഗ്രാമപഞ്ചായത്ത് പ്രസിഡന്റ് അനിതാ സോമന്‍ പരിപാടിയുടെ ഉദ്ഘാടനം നിര്‍വ്വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് ജയിന്‍ ഏണസ്റ്റ്, ഗ്രാമപഞ്ചായത്ത് മെമ്പര്‍മാരായ മേരി സിമോള്‍, അനിഷ്, മത്സ്യകര്‍ഷക മത്സ്യത്തൊഴിലാളി പ്രതിനിധികള്‍, ഫിഷറീസ് ഡെപ്യൂട്ടി ഡയറക്ടര്‍ എം.സിയാര്‍ എന്നിവര്‍ പങ്കെടുത്തു.