ന്യൂഡല്‍ഹി: ഭീകരാക്രമണ സാധ്യതയെന്ന ഇന്റലിജന്‍സ് വിവരത്തെ തുടര്‍ന്ന് ഡല്‍ഹിയില്‍ അതീവ ജാഗ്രത. ജമ്മു കശ്മീരില്‍ നിന്നും ഭീകരര്‍ ഡല്‍ഹിയിലേക്ക് കടന്നേക്കുമെന്ന് രഹസ്യാന്വേഷണ ഏജന്‍സികള്‍ക്ക് വിവരം ലഭിച്ചതാണ് റിപ്പോര്‍ട്ട്. ഡല്‍ഹി അതിര്‍ത്തികളില്‍ ജാഗ്രത ശക്തമാക്കി.

ബസുകള്‍, കാറുകള്‍, ടാക്‌സികള്‍ അടക്കമുള്ളവയില്‍ ഡല്‍ഹിയില്‍ ഭീകരര്‍ എത്തിയേക്കാമെന്ന വിവരത്തിന്റെ അടിസ്ഥാനത്തില്‍ പരിശോധന കര്‍ശനമാക്കി. ആശുപത്രികളിലും മാര്‍ക്കറ്റുകളിലും ഉള്‍പ്പെടെ നിരീക്ഷണം ശക്തമാക്കി.

ജമ്മു കശ്മീരിന്റെ അതിര്‍ത്തി മേഖലകളില്‍ ഇതിനകം ഭീകരരുമായി ഏറ്റുമുട്ടുലുണ്ടാകുന്നുണ്ട്. ഷോപ്പിയാനില്‍ 20ല്‍ അധികം ഭീകരരെ വധിച്ചു. ഇതിനിടെയാണ് ഡല്‍ഹിയില്‍ ഭീകരാക്രമണ സാധ്യതയെന്ന ഇന്റലിജന്‍സ് വിവരം.