കോഴിക്കോട്: താമരശ്ശേരി കാരാടിയിൽ അടച്ചിട്ട വീട്ടിൽ വൻ കവർച്ച. കാരാടി-വരട്ട്യാക്കിൽ സംസ്ഥാന പാതയ്ക്ക് സമീപം കുറ്റിപ്പടി പ്രഭാകരൻ നമ്പ്യാരുടെ വീട്ടിലാണ് മോഷണം നടന്നത്. പ്രാഥമിക വിവരമനുസരിച്ച് മൂന്ന് പവൻ സ്വർണവും അയ്യായിരം രൂപയും നഷ്ടപ്പെട്ടിട്ടുണ്ട്.

കഴിഞ്ഞ നാലാം തീയതി പ്രഭാകരൻ നമ്പ്യാരും ഭാര്യയും ബെംഗളൂരുവിലെ ബന്ധുവീട്ടിലേക്ക് പോയയിരുന്നു. ഈ സമയത്താണ് മോഷണം നടന്നിരിക്കുന്നത്. വീടിന്റെ പിൻവാതിൽ കുത്തിത്തുറന്നാണ് മോഷണം നടത്തിയിരിക്കുന്നത്. വീട് വൃത്തിയാക്കാനെത്തിയ ജോലിക്കാരിയാണ് വാതിൽ തുറന്നു കിടക്കുന്നതും അകത്തെ സാധനങ്ങൾ വാരിവലിച്ചിട്ട നിലയിലാണെന്നും ആദ്യം കണ്ടത്.

ALSO READ: മുസ്‌ലിം വിരുദ്ധ വിദ്വേഷ പ്രസംഗങ്ങൾ നടന്ന ഹിന്ദുത്വ സമ്മേളനത്തിന് കേന്ദ്രസഹായം; 63 ലക്ഷം രൂപ നൽകിയെന്ന് റിപ്പോർട്ട്

തുടർന്ന്, താമരശ്ശേരി പൊലിസ് സ്ഥലത്തെത്തി പരിശോധന നടത്തി. നാളെ വീട്ടുകാർ തിരിച്ചെത്തിയാൽ മാത്രമേ കൂടുതൽ എന്തെങ്കിലും നഷ്ടപ്പെട്ടിട്ടുണ്ടോ എന്ന് വ്യക്തമാകൂ. സംഭവത്തിൽ പൊലിസ് അന്വേഷണം ആരംഭിച്ചിട്ടുണ്ട്.

A house in Thamarassery's Karadi was burgled, with thieves making off with 3 sovereigns of gold and ₹5,000 cash, police said.