ചെങ്ങന്നൂര്‍ മാലിന്യ മുക്തമാക്കാന്‍ പദ്ധതി ആവിഷ്‌കരിക്കുന്നു

backup

July 06, 2018 | 7:33 AM

%e0%b4%9a%e0%b5%86%e0%b4%99%e0%b5%8d%e0%b4%99%e0%b4%a8%e0%b5%8d%e0%b4%a8%e0%b5%82%e0%b4%b0%e0%b5%8d%e2%80%8d-%e0%b4%ae%e0%b4%be%e0%b4%b2%e0%b4%bf%e0%b4%a8%e0%b5%8d%e0%b4%af-%e0%b4%ae%e0%b5%81%e0%b4%95

ആലപ്പുഴ: ചെങ്ങന്നൂര്‍ മാലിന്യ മുക്തമാക്കുവാന്‍ പദ്ധതി തയ്യാറാകുന്നു. മാലിന്യ സംസ്‌ക്കരണത്തിനായി നവീന ശാസ്ത്രീയ മാര്‍ഗമാണ് അവതരിപ്പിക്കുക.
ഇതിനായി ഹരിതകേരളം, ശുചിത്വ മിഷന്‍ എന്നിവയുടെ ഉദ്യോഗസ്ഥരും കിലയുടെ ജീവനക്കാരും തിരുവനന്തപുരം കോര്‍പ്പേറേഷനിലെ ആരോഗ്യവിഭാഗം ഉദ്യോഗസ്ഥരുമടങ്ങുന്ന സംഘം ചെങ്ങന്നൂര്‍ പെരുങ്കുളം പാടം, നഗരസഭാ കാര്യാലയ പരിസരം, ശാസ്താംപുറം മാര്‍ക്കറ്റ് എന്നിവടങ്ങളില്‍ സന്ദര്‍ശനം നടത്തി.
ഇതുകൂടാതെ നഗരത്തില്‍ മാലിന്യങ്ങള്‍ തള്ളുന്ന ഇടങ്ങളുടെ കണക്കെടുത്തു.
ചെങ്ങന്നൂര്‍ നഗരത്തില്‍ മാത്രം പ്രതിദിനം ഏകദേശം എട്ട് ടണ്‍ മാലിന്യവും, താലൂക്കിലാകമാനം 22 ടണ്‍ മാലിന്യവും ഉണ്ടാകുന്നുവെന്നാണ് പ്രാഥമിക കണക്ക്. ഉറവിടങ്ങളില്‍ തന്നെ പരമാവധി മാലിന്യങ്ങള്‍ സംസ്‌ക്കരിക്കണമെന്നാണ് വിദഗ്ധരുടെ അഭിപ്രായം.
അതിനുള്ള പദ്ധതികള്‍ തയ്യാറാക്കും. 30ന് ചെങ്ങന്നൂര്‍ മണ്ഡലത്തിലെ ജനപ്രതിനിധികള്‍, ഉദ്യോഗസ്ഥര്‍, വിവിധ സംഘടനകള്‍ എന്നിവരുടെ യോഗം ചേരും. യോഗത്തില്‍ ധനമന്ത്രി ഡോ. തോമസ് ഐസക് പങ്കെടുക്കും.
സന്ദര്‍ശനസംഘത്തില്‍ സജിചെറിയാന്‍ എം.എല്‍.എ, ജോണ്‍ മുളങ്കാട്ടില്‍, എന്‍. സുധാമണി, ജി. വിവേക്, കെ.എസ് രാജേഷ്, പി. അഖില്‍, അനുപ് റോയി, ജയരാജ്, വിവിധ ഉദ്യോഗസ്ഥര്‍ തുടങ്ങിയവരും പങ്കെടുത്തു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."