റിയാദ്: സഊദിയിൽ ഇന്ന് 40 രോഗികൾ വൈറസ് ബാധയേറ്റു മരണപ്പെട്ടതായി സഊദി ആരോഗ്യ മന്ത്രാലയം സ്ഥിരീകരിച്ചു. കഴിഞ്ഞ 24 മണിക്കൂറിനിടെ  3,393 പേർക്ക് പുതുതായി വൈറസ് ബാധ സ്ഥിരീകരിച്ചതായും സഊദി ആരോഗ്യ മന്ത്രാലയം അറിയിച്ചു. അതേസമയം, രോഗ മുക്തരുടെ എണ്ണത്തിൽ റെക്കോർഡ് വർധനവാണ് രേഖപ്പെടുത്തിയത്. 4,045 രോഗികളാണ് രോഗ മുക്തി നേടിയത്.

#عاجل_السعودية | #وزارة_الصحة : فيروس #كورونا المستجد.
الحالات الجديدة: 3,393 حالة
حالات التعافي : 4,045
الوفيات الجديدة : 40 #نعود_بحذر pic.twitter.com/yLP0tCO3PG

— قناة السعودية ?? (@saudiatv) June 22, 2020

      അതേസമയം, ഗുരുതരാവസ്ഥയിൽ കഴിയുന്നവരുടെ എണ്ണം ഉയർന്നിട്ടുണ്ട്. നിലവിൽ 2,045 രോഗികൾ അതീവ ഗുരുതരാവസ്ഥയിലുമാണ്. ഇന്ന് സ്ഥിരീകരിച്ച വൈറസ് ബാധിതരിൽ 438 രോഗ ബാധിതർ റിയാദിലാണ് കണ്ടെത്തിയത്. 

   ഇതോടെ രാജ്യത്തെ വൈറസ് ബാധയേറ്റുള്ള മരണം 1,307 ആയും വൈറസ്  ബാധിതർ 161,005 ആയും ഉയർന്നിട്ടുണ്ട്. ഇന്ന് 4,045 രോഗികൾ രോഗ മുക്തി നേടിയതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 105,175 ആയും ഉയർന്നു.