കണ്ണൂര്‍: കേരള പത്മശാലിയ സംഘം ജില്ലാ സമ്മേളനം നാളെയും മറ്റന്നാളും കണ്ണൂര്‍ ടൗണ്‍ബാങ്ക് ഓഡിറ്റോറിയത്തില്‍ നടക്കും. നാളെ രാവിലെ 9.30ന് പി.കെ ശ്രീമതി എം.പി ഉദ്ഘാടനം ചെയ്യും. കെ.സി ജോസഫ് എം.എല്‍.എ മുഖ്യാതിഥിയാകും. ഉച്ചയ്ക്കു രണ്ടിന് യുവജന സമ്മേളനം മന്ത്രി കെ.കെ ശൈലജ ഉദ്ഘാടനം ചെയ്യും. ഡെപ്യൂട്ടി മേയര്‍ പി.കെ രാഗേഷ് മുഖ്യാതിഥിയാകും. 23ന് രാവിലെ 10ന് ജവഹര്‍ ലൈബ്രറി ഹാളില്‍ വനിതാ സമ്മേളനം കെ.എം ഷാജി എം.എല്‍.എ ഉദ്ഘാടനം ചെയ്യും. മേയര്‍ ഇ.പി ലത, പി.പി ദിവ്യ, കെ.എ സരള പങ്കെടുക്കും. വൈകുന്നേരം 3.30ന് സെന്റ് മൈക്കിള്‍സ് സ്‌കൂള്‍ ഗ്രൗണ്ടില്‍ നിന്നു നഗരത്തിലേക്കു പ്രകടനം. അഞ്ചിന് സ്റ്റേഡിയം കോര്‍ണറില്‍ പൊതുസമ്മേളനം മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. എം.പിമാരായ കെ.കെ രാഗേഷ്, എം.കെ രാഘവന്‍, സണ്ണി ജോസഫ് എം.എല്‍.എ എന്നിവര്‍ മുഖ്യാതിഥികളാകും. വാര്‍ത്താസമ്മേളനത്തില്‍ സി. പ്രഭാകരന്‍, സതീശന്‍ പുതിയേട്ടി, ചെറ്റൂടന്‍ മോഹനന്‍, കെ. രഞ്ജിത്ത് സംബന്ധിച്ചു.