കുറ്റ്യാടി: വടകര ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി കെ. മുരളീധരന്‍ കുറ്റ്യാടിയില്‍ നടത്തിയ റോഡ് ഷോ ആവേശമായി.
തുറന്ന വാഹനത്തില്‍ നൂറുകണക്കിന് പ്രവര്‍ത്തകരുടെ അകമ്പടിയോടെ എത്തിയ സ്ഥാനാര്‍ഥിയെ റോഡിനിരുവശവും കൂടി നിന്ന വന്‍ജനാവലി വരവേറ്റു. വോട്ടര്‍മാരെ കൈവീശി അഭിവാദ്യം ചെയ്തും സ്‌നേഹാഭിവാദ്യങ്ങള്‍ ഏറ്റുവാങ്ങിയുമാണ് സ്ഥാനാര്‍ഥി കടന്നു നീങ്ങിയത്. കടേക്കച്ചാലില്‍ നിന്നു തുടങ്ങിയ റോഡ്‌ഷോ കുറ്റ്യാടി ടൗണില്‍ സമാപിച്ചു.