കൊച്ചി: വിദേശ മദ്യം അനധികൃതമായി വില്‍പന നടത്തുവാന്‍ ശ്രമിച്ചയാളെ പൊലിസ് അറസ്റ്റ് ചെയ്തു.
പൊന്നുരുന്നി പാടത്തറ വീട്ടില്‍ രമേശന്‍ (48) ആണ് പിടിയിലായത്. ഇന്നലെ കടവന്ത്ര പൊലീസ് സ്റ്റേഷന്‍ പരിധിയില്‍പ്പെട്ട സ്ഥലങ്ങളില്‍ കെല്‍ 07 സി.ക്യു 8106 എന്ന നമ്പറിലുള്ള ഓട്ടോറിക്ഷയില്‍ വിദേശമദ്യം ഒളിപ്പിച്ചു വില്‍പന നടത്തുന്നതിനിടയിലാണ് ഇയാള്‍ പിടിയിലായത്. ഏഴ് ഇന്ത്യന്‍ നിര്‍മ്മിത മദ്യവും കൊറിയര്‍ നെപ്പോളിയന്‍ എന്ന വിദേശ മദ്യവും പൊലിസ് പിടിച്ചെടുത്തു. ഓട്ടോറിക്ഷയും കസ്റ്റഡിയില്‍ എടുത്തിട്ടുണ്ട്.
കടവന്ത്ര സബ് ഇന്‍സ്‌പെക്ടര്‍ എ.എല്‍ അഭിലാഷ്, സീനിയര്‍ സിപിഒ അരുണ്‍ വര്‍ഗീസ്, സി.പി.ഒമാരായ അനില്‍കുമാര്‍, അജി പ്രമോദ് എന്നിവരടങ്ങുന്ന സംഘമാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി.