മങ്കട: ഗതാഗതക്കുരുക്കില്‍ വലഞ്ഞ് മങ്കട ടൗണ്‍. ആനക്കയം തിരൂര്‍ക്കാട് സംസ്ഥാന പാതയില്‍ ഏറ്റവുമധികം ഗതാഗതക്കുരുക്ക് അനുഭവപ്പെടുന്ന മങ്കട ടൗണ്‍ ജങ്ഷനില്‍ വര്‍ധിച്ചു വരുന്ന വാഹനപ്പെരുപ്പത്തിനനുസരിച്ചു റോഡിനു വീതിയില്ലാത്തതാണ് പ്രതിസന്ധിക്ക് കാരണം.
മക്കരപ്പറമ്പ് നിന്നു വരുന്ന വാഹനങ്ങള്‍ കൂട്ടില്‍ റോഡിലേക്കു പ്രവേശിക്കുന്നതോടെ സംസ്ഥാന പാത സ്തംഭിക്കുകയാണ് പതിവ്. ഗതാഗത ക്രമീകരണങ്ങള്‍ക്കായി സ്ഥിരം പൊലിസ് ഉണ്ടെങ്കിലും ഫലപ്രദമാകുന്നില്ല. ദേശീയ പാതയില്‍ മക്കരപ്പറമ്പിലെ ഗതാഗതക്കുരുക്ക് അഴിക്കാന്‍ ബജറ്റില്‍ തുക നീക്കി വെച്ചിരുന്നു.
എന്നാല്‍ സമാനമായ കുരുക്കനുഭവപ്പെടുന്ന മങ്കടയിലെ ഗതാഗത പ്രശ്‌നങ്ങള്‍ സര്‍ക്കാര്‍ പരിഗണിച്ചില്ല.