കാളികാവ്: ആമപ്പൊയില്‍ ശാഖാ എസ്.കെ.എസ്.എസ്.എഫ് കമ്മിറ്റി നിര്‍മിച്ചു നല്‍കിയ ബൈത്തുന്നൂറിന്റെ താക്കോല്‍ ദാനം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വഹിച്ചു. പ്ലാസ്റ്റിക്ക് ഷെഡില്‍ ദുരിത ജീവിതം നയിക്കുകയായിരുന്ന വാഴക്കിളിയിലെ തോട്ടുങ്ങല്‍ ഫാത്തിമക്കാണ് വീടു നിര്‍മിച്ചു നല്‍കിയത്. എസ്.കെ.എസ്.എസ്.എഫ് ശാഖാ കമ്മിറ്റി നിര്‍മിച്ചു നല്‍കുന്ന നാലാമത്തെ വീടാണിത്. പന്ത്രണ്ട് വര്‍ഷമായി തുടര്‍ന്നു വരുന്ന നാട്ടിലെ മുഴുവന്‍ മദ്‌റസാ വിദ്യാര്‍ഥികള്‍ക്കുമുള്ള പഠനോപകരണ വിതരണവും ചടങ്ങില്‍ നടന്നു. എം.എം ദാരിമി അധ്യക്ഷനായി. സൈതാലി മുസ്‌ലിയാര്‍, ഫരീദ് റഹ്മാനി കാളികാവ്, ബഹാഉദ്ദീന്‍ ഫൈസി, ഹനീഫ ഫൈസി, മുജീബ് ദാരിമി ഉദരംപൊയില്‍, അബ്ദുല്‍ ഹമീദ് ഫൈസി, കളത്തില്‍ കുഞ്ഞാപ്പ ഹാജി, പി കുഞ്ഞാപ്പ ഹാജി, റഊഫ് മുസ്‌ലിയാര്‍, കബീര്‍ മാളിയേക്കല്‍ തുടങ്ങിയവര്‍ പ്രസംഗിച്ചു.