റിപ്പണ്‍: സമന്വയം സാംസ്‌കാരിക വേദി ആന്‍ഡ് ഗ്രന്ഥാലയം ബാല വേദി പ്രവര്‍ത്തനങ്ങളുടെ ഭാഗമായി റിപ്പണ്‍ ഗവ.ഹൈസ്‌കൂളുമായി ചേര്‍ന്ന് വൈക്കം മുഹമ്മദ് ബഷീര്‍ അനുസ്മരണം നടത്തി. കവിയും എഴുത്തുകാരനുമായ ജാഫര്‍ സാദിഖ് ഉദ്ഘാടനം ചെയ്തു. പി.ടി.എ പ്രസിഡന്റ് മുഹമ്മദ്, പ്രധാന അധ്യാപകന്‍ അബ്ദുല്‍ റസാഖ്, അധ്യാപകരായ അലങ്കാര്‍, ജുമീന, ഗ്രന്ഥശാല പ്രവര്‍ത്തകരായ പി.വി കദീജ, പി അസ്മിന, കെ അഷറഫ് അലി, മുഹമ്മദ് സുഹൈല്‍ സംസാരിച്ചു. മീനങ്ങാടി: ഗവ. ഹയര്‍ സെക്കന്‍ഡറി സ്‌കൂള്‍ നാഷനല്‍ സര്‍വിസ് സ്‌കീം യൂനിറ്റിന്റെ ആഭിമുഖ്യത്തില്‍ വൈക്കം മുഹമ്മദ് ബഷീര്‍ അനുസ്മരണം സംഘടിപ്പിച്ചു. പ്രിന്‍സിപ്പല്‍ എം.കെ ഷിവി ഉദ്ഘാടനം ചെയ്തു. പ്രോഗ്രാം ഓഫിസര്‍ എം.കെ രാജേന്ദ്രന്‍ അധ്യക്ഷനായി. ഡോ. ബാവ കെ. പാലുകുന്ന്, ആന്റണി ജോസ്, എ.പി അനുഷ്യ, സി.എസ് അഭിജിത്ത്, റസ്‌ല അസ്മി, അമയ സൂസണ്‍ പോള്‍, കെ.വി വൈഷ്ണവി പാല്‍, പി.എസ് ഷഫ്‌ന, അക്‌സ മരിയ ഐസക്, ബേസില്‍ കുര്യാക്കോസ് എന്നിവര്‍ സംസാരിച്ചു. ബഷീറിന്റെ ബാല്യകാല സഖി, ഭൂമിയുടെ അവകാശികള്‍ എന്നി കൃതികളെ ആസ്പദമാക്കി പുസ്തക ചര്‍ച്ചയും നടന്നു.
പനമരം: നീര്‍വാരം ഗവ.ഹയര്‍സെക്കന്‍ഡറി സ്‌കൂളില്‍ വായനാ പക്ഷാചരണത്തോടനുബന്ധിച്ച പരിപാടികളുടെ സമാപന സമ്മേളനത്തിന്റെ ഉദ്ഘാടനവും ബഷീര്‍ അനുസ്മരണവും യുവ എഴുത്തുകാരി ഷീമമഞ്ചാന്‍ ഉദ്ഘാടനം ചെയ്തു. മികച്ച അംഗനവാടി ടീച്ചര്‍ക്കുള്ള സംസ്ഥാന അവാര്‍ഡ് ജേതാവ് ലിസമ്മ ടീച്ചറെ പ്രധാന അധ്യാപകന്‍തോമസ് മാത്യു, സ്റ്റാഫ് സെക്രട്ടറി കല്‍പ്പന ടീച്ചര്‍ എന്നിവര്‍ ചേര്‍ന്ന് പൊന്നാട അണിയിച്ച് ആദരിച്ചു. പി.ടി.എ പ്രസിഡന്റ് ടി.സി ജോയ് അധ്യക്ഷനായി. പി ഓമന, സെമന്ത ജെ ഫിലോമിന്‍, വിവേക് വൈ.പി എന്നിവര്‍ സംസാരിച്ചു. ഹലോ ഇംഗ്ലീഷ് പദ്ധതിയുടെ സ്‌കൂള്‍ തല ഉദ്ഘാടനം പ്രധാന അധ്യാപകന്‍ തോമസ് മാത്യു നിര്‍വഹിച്ചു. ഇംഗ്ലീഷ് ദിനപത്രത്തിന്റെ ഉദ്ഘാടനം പൂര്‍വ വിദ്യാര്‍ഥി പ്രതിനിധി ശ്രീ വിവേക് വൈ പി സ്‌കൂള്‍ ലീഡര്‍ നയന ജോയിക്ക് കൈമാറി.
കൊളഗപ്പാറ: ഗവ.യു.പി.സ്‌കൂളില്‍ വിദ്യാരംഗം കലാ സാഹിത്യവേദി, പരിസ്ഥിതി ക്ലബ്, ശാസ്ത്ര ക്ലബ് , എന്നിവയുടെ ഉദ്ഘാടനവും ബഷീര്‍ അനുസ്മരണവും നടന്നു. വാര്‍ഡ് മെമ്പര്‍ റ്റി.പി ഷാജി ക്ലബുകള്‍ ഉദ്ഘാടനം ചെയ്തു. അരവിന്ദന്‍ മാസ്റ്റര്‍ ബഷീര്‍ അനുസ്മരണ പ്രഭാഷണം നടത്തി. പി.ടി.എ പ്രസിഡന്റ് എന്‍.സി ജോര്‍ജ്ജ് അധ്യക്ഷനായി. എസ്.എസ്.ജി അംഗങ്ങളായ സജി വര്‍ഗ്ഗീസ്, കുര്യാക്കോസ്, വിദ്യാര്‍ഥി പ്രതിനിധി മാസ്റ്റര്‍ പി.ടി ദീപക് സംസാരിച്ചു. പ്രധാനാധ്യാപകന്‍ എം രാജന്‍ സ്വാഗതവും വിദ്യാരംഗം കണ്‍വീനര്‍ നീതു കെ. എല്‍ദോ നന്ദിയും പറഞ്ഞു.
തെങ്ങുമുണ്ട: തെങ്ങുമുണ്ട ജി.എല്‍.പി സ്‌കൂളില്‍ വൈക്കം മുഹമ്മദ് ബഷീര്‍ അനുസ്മരണവും ക്വിസും നടത്തി. പ്രധാനാധ്യാപിക ഗ്രേസി വി.എം ഉദ്ഘാടനം ചെയ്തു. ദീപ ടീച്ചര്‍, വിദ്യാര്‍ഥികളായ ബാസില്‍, മുഹമ്മദ് നിജാസ്, അഫ്‌ന ഫാത്തിമ, അന്‍ഫാ ഖദീജ അനുസ്മരണ പ്രഭാഷണം നടത്തി. ബഷീര്‍ ദിന ക്വിസിന് അധ്യാപകരായ ബാലന്‍, ബിന്ദു, ലിറ്റിന നേതൃത്വം നല്‍കി. മത്സരങ്ങളിലെ വിജയികളെ പ്രവചിക്കാന്‍ സ്‌കൂളില്‍ പ്രവചന മത്സര പെട്ടി ഒരുക്കിയിട്ടുണ്ട്.