പൂക്കോട്ടുംപാടം: കഴിഞ്ഞ ദിവസം കാറ്റിലും മഴയിലും മേല്‍ക്കൂര തകര്‍ന്ന പൂക്കോട്ടുംപാടം ഗവ. ഹയര്‍സെക്കന്‍ഡറി സ്‌കൂള്‍ കെട്ടിടം ഡി.ഇ.ഒ സുബ്രഹ്മണ്യന്‍ സന്ദര്‍ശിച്ചു. ഒന്നര ലക്ഷത്തോളം രൂപ ചെലവഴിച്ചു പി.ടി.എ നിര്‍മിച്ച സ്‌കൂള്‍ കെട്ടിടത്തിന്റെ മേല്‍കൂരയാണ് കാറ്റില്‍ തകര്‍ന്നത്. സ്‌കൂളിലെ എട്ടാം തരത്തിലെ രണ്ടു ക്ലാസുകളാണ് ഇവിടെ പ്രവര്‍ത്തിച്ചിരുന്നത്. കാറ്റു വീശിയത് അവധി ദിവസമായതിനാല്‍ കൂടുതല്‍ അപകടം ഒഴിവായി.