തൃശൂര്‍: ഫാഷിസത്തിനും തീവ്രവാദത്തിനുമെതിരേ ദേശീയോദ്ഗ്രഥന സന്ദേശവുമായി ഓണമ്പിള്ളി മുഹമ്മദ് ഫൈസിയുടെ നായകത്വത്തില്‍ എസ്.കെ .എസ്.എസ്.എഫ് തൃശൂര്‍ ജില്ലാ കമ്മിറ്റി ആഗസ്റ്റ് ഒന്‍പത് മുതല്‍ 14 വരെ സംഘടിപ്പിക്കുന്ന ഭാരതീയം ചരിത്ര സ്മൃതി യാത്രയുടെ പ്രചരണാര്‍ഥമുള്ള ജില്ലാ നേതൃകണ്‍വന്‍ഷന്‍ നാളെ ഉച്ചക്ക് 2.30 മുതല്‍ തൃശൂര്‍ എം.ഐ.സി യില്‍ നടക്കും. സമസ്ത ജില്ലാ പ്രസിഡന്റ് എസ്.എം.കെ തങ്ങള്‍ ഉദ്ഘാടനം ചെയ്യും. സമസ്ത കേന്ദ്ര മുശാവറംഗങ്ങളായ എം.എം മുഹ്‌യിദ്ദീന്‍ മൗലവി, ചെറുവാളൂര്‍ ഹൈദ്രൂസ് മുസ്‌ലിയാര്‍, സമസ്ത പോഷക ഘടക നേതാക്കള്‍ തുടങ്ങിയവര്‍ സംബന്ധിക്കും. എസ് കെ എസ് എസ് എഫ് ജില്ലാ ഭാരവാഹികളും മേഖലാ പ്രസിഡന്റ് സെക്രട്ടറിമാരും കണ്‍വന്‍ഷനില്‍ പങ്കെടുക്കണമെന്ന് ജില്ലാ പ്രസിഡന്റ് സിദ്ദീഖ് ബദ്‌രി, ജനറല്‍ സെക്രട്ടറി ഷെഹീര്‍ ദേശമംഗലം തുടങ്ങിയവര്‍ അറിയിച്ചു.