തിരുവനന്തപുരം: യൂനിസെഫും മാജിക് പ്ലാനറ്റും സംയുക്തമായി മാജിക് പ്ലാനറ്റില്‍ മോം (മാജിക് ഓഫ് മദര്‍ ഹുഡ്) പദ്ധതിക്കു തുടക്കമിടുന്നു. നാളെ ഉച്ചയ്ക്ക് 2.30ന് മാജിക് പ്ലാനറ്റില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
മാജിക് അക്കാദമി രക്ഷാധികാരി അടൂര്‍ ഗോപാലകൃഷ്ണന്‍ അധ്യക്ഷനാകും. മന്ത്രി കടകംപള്ളി സുരേന്ദ്രന്‍ ആയിരം ദിനങ്ങളുടെ പ്രാധാന്യം ബോധ്യപ്പെടുത്തുന്ന ഇന്ദ്രജാല പരിപാടി ഉദ്ഘാടനം ചെയ്യും.ച ലച്ചിത്ര മഞ്ജുവാര്യരും ഗോപിനാഥ് മുതുകാടും ചേര്‍ന്ന് മോം ഇന്ദ്രജാല പരിപാടി അവതരിപ്പിക്കും. ചടങ്ങില്‍ ചലച്ചിത്രതാരം മഞ്ജുവാര്യര്‍ മുഖ്യാതിഥിയാകും. കിന്‍ഫ്ര ആന്റെ കെ.എസ്.ഐ.ഡി.സി മാനേജിംഗ് ഡയറക്ടര്‍ ഡോ.എം. ബീന, കിന്‍ഫ്ര ഫിലിം ആന്റ് വീഡിയോ പാര്‍ക്ക് എം.ഡി കെ.സുധാകരന്‍, ഇന്ത്യന്‍ മെഡിക്കല്‍ അസോസിയേഷന്‍ കേരളാ പ്രസിഡന്റ് ഡോ.ജയകൃഷ്ണന്‍ തുടങ്ങിയവര്‍ പങ്കെടുക്കും.