ഇരിങ്ങാലക്കുട: ബേപ്പൂര്‍ സുല്‍ത്താന്‍ വൈക്കം മുഹമ്മദ് ബഷീറിന്റെ ചരമവാര്‍ഷികത്തോടനുബന്ധിച്ച് പൊറത്തിശേരി രവീന്ദ്രനാഥ ടാഗോര്‍ പബ്ലിക് ലൈബ്രറിയില്‍ ബഷീറിന്റെ ജീവിതം ആധാരമാക്കി പ്രൊഫ. എം.എ റഹ്മാന്‍ നിര്‍മിച്ച 'ബഷീര്‍ ദി മാന്‍'എന്ന ഡോക്യുമെന്ററിയുടെ പ്രദര്‍ശനം നടത്തി. സാഹിത്യ നിരീക്ഷകനും അധ്യാപകനും ആയ എം.ആര്‍ സനോജ് ബഷീര്‍ കൃതികളെ കുട്ടികള്‍ക്കു പരിചയപ്പെടുത്തി.
വായന പക്ഷാചരണത്തിന്റെ ഭാഗമായി വിവിധ ദിവസങ്ങളിലായി നടത്തിയ പുസ്തക ചര്‍ച്ചയില്‍ എം.വി അജ്മല്‍, സിമിത ലെനീഷ്, അനില്‍ സേതുമാധവന്‍, ജിഷ്ണു കുമാര്‍, റഊഫ് കരുപ്പടന്ന, നൂറിന്‍ റിയ, പി.എന്‍ സുനില്‍ പുസ്തകങ്ങള്‍ പരിചയപ്പെടുത്തി. സമാപന യോഗത്തില്‍ യു.കെ സുരേഷ് കുമാര്‍ സംസാരിച്ചു. വായന പക്ഷാചരണത്തിന്റെ ഭാഗമായി കുട്ടികള്‍ക്ക് പുസ്തകങ്ങള്‍ വിതരണം ചെയ്തു.
ലൈബ്രറി പ്രസിഡന്റ് പ്രദ്യുമ്‌നന്‍, സെക്രട്ടറി എ. ഗോപി, ഭരണസമിതി അംഗങ്ങളായ കെ.ആര്‍ വിനി, യു.കെ സേതുമാധവന്‍ , എ. ഭരതന്‍, എം.എ പ്രഭാകരന്‍, മുരളി മാസ്റ്റര്‍ നേതൃത്വം നല്‍കി.