ജിദ്ദ: കൊണ്ടോട്ടി ഒളവട്ടൂർ മങ്ങാട്ടുചാലിൽ എം.സി.മുഹമ്മദ് ഷാ ഹാജിയുടെ മകൻ അബൂബക്കർ സിദ്ദീഖ് (47) ജിദ്ദയിൽ വാഹനം ഇടിച്ച് മരിച്ചു. സിത്തിൻ റോഡിൽ സൈക്കിൾ റൗണ്ട്എബൗട്ടിനു സമീപം കഴിഞ്ഞ ദിവസം രാത്രിയായിരുന്നു അപകടം. ഇരുപത് വർഷത്തോളമായി ഫൈസലിയയിൽ ഭക്ഷ്യവസ്തുക്കൾ പൊടിച്ചു നൽകുന്ന സ്ഥാപനം നടത്തി വരികയായിരുന്നു. ബസുക്കളോടൊപ്പമാണ് താമസിച്ചിരുന്നതെങ്കിലും ദേഹാസ്വാസ്ഥ്യത്തെ തുടർന്ന് കടിഞ്ഞ ദിവസം ആശുപത്രിയിൽ പോയി ഡോക്ടറെ കാണുകയും ക്വാറൻ്റൈനിൽ പോകാൻ നിർദേശിക്കുകയും ചെയ്തിരുന്നു. ക്വാറൻ്റൈനിലായിരിക്കെ രാത്രിയിൽ ഭക്ഷണം വാങ്ങാനായി പുറത്തിറക്കിയപ്പോഴാണ് അപകടം സംഭവിച്ചതെന്ന് സംശയിക്കുന്നു. മാതാവ്: മറിയുമ്മ. ഭാര്യ: ഫാത്തിമ സലീല. മക്കൾ: ഹിബമറിയം, ഹിഷാം. സഹോദരങ്ങൾ: മുഹമ്മദ്, അബ്ദുല്ല, അബ്ദുറഹ്മാൻ (ഇരുവരും ജിദ്ദ) , ഉമ്മർ, ആയമ്മ, ഫാത്തിമ, ആമിന, ഖദീജ. ഇർഫാൻ ആശുപത്രി മോർച്ചറിയിലുള്ള മൃതദേഹം ജിദ്ദയിൽ മറവ് ചെയ്യും.