കാസര്‍കോട്: ബന്തടുക്ക സുമംഗലി ജ്വല്ലറിയില്‍ നിന്ന് ഒരു കിലോ സ്വര്‍ണവും നാലുകിലോ വെള്ളിയും കൊള്ളയടിച്ച കേസില്‍ പൊലിസ് നിരീക്ഷണ കാമറകള്‍ പരിശോധിക്കും. വിരലടയാളങ്ങളും പൊലിസ് പരിശോധിച്ചു വരികയാണ്. ബേഡകം പൊലിസ് രജിസ്റ്റര്‍ ചെയ്ത കേസില്‍ അന്വേഷണം നടത്തുന്നത് ആദൂര്‍ സി.ഐ സിബിമാത്യുവാണ്.
കവര്‍ച്ച നടന്ന ജ്വല്ലറിക്ക് സമീപത്തുള്ള നിരീക്ഷണ കാമറകളും ബന്തടുക്ക മുതല്‍ പൊയിനാച്ചിവരെയുള്ള ആറോളം നിരീക്ഷണ കാമറകളും പൊലിസ്  വിശദ പരിശോധനക്കു വിധേയമാക്കുന്നുണ്ട്. ബന്തടുക്ക സുമംഗലി ജ്വല്ലറിയിലെ സി.സി ടി.വി കാമറ പരിശോധിച്ചെങ്കിലും കവര്‍ച്ചക്കാരുടെ ദൃശ്യങ്ങള്‍ ഇതില്‍ നിന്നു ലഭിച്ചില്ല.
മുമ്പ് ഇതേ ജ്വല്ലറിയുടെ കുണ്ടംകുഴിയിലെ ഷോറൂമില്‍ കവര്‍ച്ച നടത്തിയ സംഘം ജാമ്യത്തിലിറങ്ങിയതായും ഇവരെ ബന്തടുക്കയിലെ ജ്വല്ലറി കവര്‍ച്ചയുമായി സംശയമുണ്ടെന്നും പൊലിസ് വ്യക്തമാക്കി. ബന്തടുക്കയിലെ ജ്വല്ലറിക്കകത്തു നിന്ന് ഒരു കൈയുറ ഇന്നലത്തെ പരിശോധനയില്‍ പൊലിസിനു ലഭിച്ചിട്ടുണ്ട്.
ബന്തടുക്ക ടൗണിലെ കുറ്റിക്കോല്‍ പഞ്ചായത്ത് ഷോപ്പിങ് കോംപ്ലക്‌സിലാണ് ജ്വല്ലറി പ്രവര്‍ത്തിക്കുന്നത്. ഇതേ ജ്വല്ലറിക്ക് കുറ്റിക്കോലിലും ഷോറൂമുണ്ട്. വ്യാഴാഴ്ച പുലര്‍ച്ചെയാണ് ജ്വല്ലറിയില്‍ കവര്‍ച്ച നടന്നതായി കണ്ടെത്തിയത്.
പിറകു വശത്തെ ഗ്രില്‍സ് തകര്‍ത്ത് അകത്തുകടന്ന കവര്‍ച്ചക്കാര്‍ പിന്നീട് ഇതുവഴി ചുമര്‍ തുരന്നാണു ജ്വല്ലറിയിലേക്ക് പ്രവേശിച്ചത്.
അഞ്ച് ലിവറുള്ള ലോക്കര്‍ വളച്ചാണ് തുറന്നത്.
കാസര്‍കോട്: ബന്തടുക്ക സുമംഗലി ജ്വല്ലറിയില്‍ നിന്ന് ഒരു കിലോ സ്വര്‍ണവും നാലുകിലോ വെള്ളിയും കൊള്ളയടിച്ച കേസില്‍ പൊലിസ് നിരീക്ഷണ കാമറകള്‍ പരിശോധിക്കും. വിരലടയാളങ്ങളും പൊലിസ് പരിശോധിച്ചു വരികയാണ്. ബേഡകം പൊലിസ് രജിസ്റ്റര്‍ ചെയ്ത കേസില്‍ അന്വേഷണം നടത്തുന്നത് ആദൂര്‍ സി.ഐ സിബിമാത്യുവാണ്.
കവര്‍ച്ച നടന്ന ജ്വല്ലറിക്ക് സമീപത്തുള്ള നിരീക്ഷണ കാമറകളും ബന്തടുക്ക മുതല്‍ പൊയിനാച്ചിവരെയുള്ള ആറോളം നിരീക്ഷണ കാമറകളും പൊലിസ്  വിശദ പരിശോധനക്കു വിധേയമാക്കുന്നുണ്ട്. ബന്തടുക്ക സുമംഗലി ജ്വല്ലറിയിലെ സി.സി ടി.വി കാമറ പരിശോധിച്ചെങ്കിലും കവര്‍ച്ചക്കാരുടെ ദൃശ്യങ്ങള്‍ ഇതില്‍ നിന്നു ലഭിച്ചില്ല.
മുമ്പ് ഇതേ ജ്വല്ലറിയുടെ കുണ്ടംകുഴിയിലെ ഷോറൂമില്‍ കവര്‍ച്ച നടത്തിയ സംഘം ജാമ്യത്തിലിറങ്ങിയതായും ഇവരെ ബന്തടുക്കയിലെ ജ്വല്ലറി കവര്‍ച്ചയുമായി സംശയമുണ്ടെന്നും പൊലിസ് വ്യക്തമാക്കി. ബന്തടുക്കയിലെ ജ്വല്ലറിക്കകത്തു നിന്ന് ഒരു കൈയുറ ഇന്നലത്തെ പരിശോധനയില്‍ പൊലിസിനു ലഭിച്ചിട്ടുണ്ട്.
ബന്തടുക്ക ടൗണിലെ കുറ്റിക്കോല്‍ പഞ്ചായത്ത് ഷോപ്പിങ് കോംപ്ലക്‌സിലാണ് ജ്വല്ലറി പ്രവര്‍ത്തിക്കുന്നത്. ഇതേ ജ്വല്ലറിക്ക് കുറ്റിക്കോലിലും ഷോറൂമുണ്ട്. വ്യാഴാഴ്ച പുലര്‍ച്ചെയാണ് ജ്വല്ലറിയില്‍ കവര്‍ച്ച നടന്നതായി കണ്ടെത്തിയത്.
പിറകു വശത്തെ ഗ്രില്‍സ് തകര്‍ത്ത് അകത്തുകടന്ന കവര്‍ച്ചക്കാര്‍ പിന്നീട് ഇതുവഴി ചുമര്‍ തുരന്നാണു ജ്വല്ലറിയിലേക്ക് പ്രവേശിച്ചത്.
അഞ്ച് ലിവറുള്ള ലോക്കര്‍ വളച്ചാണ് തുറന്നത്.