മാനന്തവാടി: കാട്ടിക്കുളം ഇടയൂര്‍കുന്നില്‍ കാട്ടുപോത്തുകള്‍ ഭീതിപരത്തുന്നു വനപാലകരെ നാട്ടുകാര്‍ തടഞ്ഞുവെച്ചു.
കഴിഞ്ഞ പത്ത് ദിവസത്തോളമായ് ഇടയൂര്‍കുന്ന് പ്രദേശവാസികളുടെ ഉറക്കം കെടുത്തുന്ന കാട്ടുപോത്തുകളെ തുരത്താന്‍ വനംവകുപ്പ് തയാറാകാത്തതില്‍ പ്രതിഷേധിച്ചാണ് പ്രദേശവാസികള്‍ വനപാലകരെ തടഞ്ഞത്. കാട്ടുപോത്തുകള്‍ കാപ്പിതോട്ടങ്ങളിലാണ് തമ്പടിക്കുന്നത്.
പുറത്തിറങ്ങാന്‍ കഴിയാത്ത അവസ്ഥയാണന്നും ഓടിക്കാന്‍ ശ്രമിക്കുമ്പോള്‍ പ്രദേശവാസികളെ കാട്ട് പോത്തുകള്‍ ഓടിക്കുന്ന സ്ഥിതിയാണന്നും നാട്ടുകാര്‍ പറഞ്ഞു. ഫോണ്‍ വിളിച്ചാല്‍ വനപാലകര്‍ എടുക്കാറില്ലെന്നാണ് ഇവര്‍ പറയുന്നത്. പ്രതിഷേധമായ് തൃശ്ശിലേരി സെക്ഷന്‍ ഓഫിസിലെത്തിയതിനെ തുടര്‍ന്നാണ് കാട്ടുപോത്തുകളെ തുരത്താന്‍ ഉദ്യേഗസ്ഥരെത്തിയത്. തുടര്‍ന്നാണ് രോഷകുലരായ നാട്ടുകാര്‍ മണികുറോളം വനപാലകരെ തടഞ്ഞത്. കഴിഞ്ഞ ദിവസം ആറ് മണിയോടെ നാട്ടുകാരും വനപാലകരും കാട്ട് പോത്തുകളെ തോട്ടങ്ങളില്‍ നിന്ന് തുരത്താന്‍ ശ്രമിച്ചെങ്കിലും മറ്റ് തോട്ടങ്ങളിലേക്കാണ് പോത്തുകള്‍ കയറുന്നത്. വേനല്‍ കനത്തതോടെ ഭക്ഷണം തേടിയാണ് ഇവ എത്തുന്നത് വാഴ, തീറ്റപുല്‍, ചെമ്പരുത്തി മുതലായവയാണ് പോത്തുകള്‍ ഭക്ഷണമാക്കുന്നത് പോത്തുകളെ ഓടിക്കാനുള്ള ശ്രമം തുടരുന്നുണ്ട്.