കോട്ടയം: പുറത്താക്കല്‍ നടപടി സ്വീകരിച്ച യുഡിഎഫ് മുന്നണിക്കെതിരെ ആഞ്ഞടിച്ച് ജോസ് കെ മാണി. പുറത്താക്കിയത് കെ എം മാണിയെ ആണെന്നും യുഡിഎഫ് അനീതിയാണ് ചെയ്തതെന്നും ജോസ് കെ മാണി വാര്‍ത്താസമ്മേളനത്തില്‍ പറഞ്ഞു.

ഇല്ലാത്ത ധാരണയുണ്ടെന്ന് യുഡിഎഫ് പ്രഖ്യാപിക്കുകയാണുണ്ടായത്. ധാരണയെന്നത് അടിച്ചേല്‍പ്പിക്കലാണോയെന്നും ജോസ് കെ മാണി ചോദിച്ചു. ജില്ലാ പഞ്ചായത്ത് പ്രസിഡന്റ് സ്ഥാനവുമായി ബന്ധപ്പെട്ടല്ല പ്രശ്‌നം. നീതിയാണ് പ്രധാനം. നിസാര കാര്യത്തിന്റെ പേരിലാണ് പുറത്താക്കലെന്നും ജോസ് കെ മാണി പറഞ്ഞു.

ധാരണയുടെ പേരിലെങ്കില്‍ പി ജെ ജോസഫിനെ ആയിരം വട്ടം പുറത്താക്കണം. കാലുമാറ്റക്കാര്‍ക്ക് പഞ്ചായത്ത് പ്രസിഡന്റ് സ്ഥാനം നല്‍കുന്നത് അനീതിയാണ്. പി ജെ ജോസഫിനെതിരെ ഒരു നടപടിയും ഉണ്ടായില്ലെന്നും ജോസ് കെ മാണി കുറ്റപ്പെടുത്തി.