മനാമ: കേരളത്തോടൊപ്പം ഗള്‍ഫ് രാഷ്ട്രങ്ങളും നാളെ മിഅ്‌റാജ് ദിനം ആചരിക്കും. ഇതോടനുബന്ധിച്ച് വിവിധ ഗള്‍ഫ് രാഷ്ട്രങ്ങളിലെ മത, പ്രവാസി സംഘടനകളുടെയും കീഴില്‍ പ്രത്യേക അനുസ്മരണ പരിപാടികളും പ്രാര്‍ത്ഥനാ സദസുകളും ഇന്നും നാളെയുമായി നടക്കും. സമസ്ത ബഹ്‌റൈന്‍ കേന്ദ്ര കമ്മിറ്റി സംഘടിപ്പിക്കുന്ന മിഅ്‌റാജ് ദിന പ്രഭാഷണം ഇന്നു രാത്രി ഒന്‍പതിന് മനാമ ഗോള്‍ഡ് സിറ്റിയിലെ സമസ്ത മദ്‌റസാ ഓഡിറ്റോറിയത്തില്‍ നടക്കുമെന്ന് ബന്ധപ്പെട്ടവര്‍ അറിയിച്ചു.