ചെറുതോണി: വില്‍പ്പനക്ക് കൊണ്ടു വന്ന 1030 ഗ്രാം കഞ്ചാവുമായി മൂന്നുപേര്‍പിടിയില്‍ പിടിയില്‍. കൊന്നത്തടി പരപ്പനങ്ങാടി പീനിക്കല്‍ അമല്‍(21), എറണാകുളം കുന്നത്തുനാട് പാറക്കല നിറ്റോ (29), 17 വയസുള്ള ഒരു കൗമാരക്കാരനെയുമാണ് എക്‌സൈസ് സംഘം അറസ്റ്റ് ചെയ്തത്.
ഇവര്‍ സഞ്ചരിച്ചിരുന്ന ഇരുചക്ര വാഹനവും എക്‌സൈസ് സംഘം പിടിച്ചെടുത്തു. കൊന്നത്തടി അമ്പലക്കവലയില്‍ ഇടുക്കി സ്‌പെഷല്‍ സ്‌ക്വാഡ് ഇന്‍സ്‌പെക്ടര്‍ സുനില്‍ ആന്റോയുടെ നേതൃത്വത്തില്‍ നടത്തിയ റെയ്ഡിലാണ് മൂവര്‍ സംഘം പിടിയിലായത്. അറസ്റ്റിലായവരെ കോടതിയില്‍ ഹാജരാക്കി.