ഗുരുവായൂര്‍: എല്‍.ഐ.സി എംപ്ലോയീസ് യൂനിയന്‍ വനിതാ സബ്കമ്മിറ്റിയുടെ നേതൃത്വത്തില്‍ അങ്കണവാടികള്‍ക്ക് മണ്‍കൂജകള്‍ വിതരണം ചെയ്യും. ഇന്ന് വൈകിട്ട് 3 ന് നഗരസഭ ടൗണ്‍ഹാളില്‍ വെച്ചാണ് വിതരണം നടക്കുക. ചടങ്ങില്‍ നഗരസഭ കൗണ്‍സില്‍ അംഗങ്ങള്‍, എല്‍.ഐ.സി ഉദ്യോഗസ്ഥര്‍, യൂനിയന്‍ ജില്ലാ ഭാരവാഹികള്‍ എന്നിവര്‍ പങ്കെടുക്കും. യൂനിയന്റെ സാമൂഹ്യക്ഷേമ പ്രവര്‍ത്തനങ്ങളുടെ ഭാഗമായാണ് മണ്‍കൂജകള്‍ വിതരണം ചെയ്യുന്നത്. നഗരസഭ പ്രദേശത്തെ 64 അങ്കണവാടികള്‍ക്കാണ് ടാപ്പ് പിടിപ്പിച്ച മണ്‍കൂജകള്‍ വിതരണം ചെയ്യുക.