തിരുവനന്തപുരം: തിരുവനന്തപുരം നഗരത്തിലെ നൂറോളം പൊലിസുകാരെ കൊവിഡ് പരിശോധനയ്ക്ക് വിധേയരാക്കി. പ്രാഥമിക സമ്പര്‍ക്ക പട്ടികയില്‍ ഉള്‍പ്പെട്ട 103 പൊലിസുകാര്‍ക്കാണ് പരിശോധന നടത്തിയത്. പരിശോധന നടത്തിയതില്‍ പ്രാഥമിക സമ്പര്‍ക്ക പട്ടികയിലെ 28 പേരൊഴികെ മറ്റുള്ളവര്‍ ജോലിക്ക് ഹാജരാകാന്‍ നിര്‍ദ്ദേശം നല്‍കിയിട്ടുണ്ട്. വിമാനത്താവളത്തിലും റെയില്‍ വേ സ്റ്റേഷനിലും ജോലിചെയ്തവരേയും സ്രവ പരിശോധനയ്ക്ക് വിധേയരാക്കി.

അതേ സമയം കൊവിഡ് സ്ഥിരീകരിച്ച പൊലിസുകാരന് രോഗം പകര്‍ന്നത് എവിടെനിന്നാണെന്ന് വ്യക്തമല്ല. സംസ്ഥാനത്ത് ഇന്ന് 240 പേര്‍ക്കാണ് കൊവിഡ് സ്ഥിരീകരിച്ചത്. 209 പേര്‍ രോഗമുക്തരായിട്ടുണ്ട്.