പാറ്റ്‌ന: ബിഹാറില്‍ മിന്നലേറ്റ് 23 പേര്‍ മരിച്ചു. അഞ്ച് ജില്ലകളിലായാണ് ഇത്രയും മരണം. ഭോജ്പൂരിലാണ് ഏറ്റവും കൂടുതല്‍ പേര്‍ മരണപ്പെട്ടത്.

ഇതുകൂടാതെ, സരണ്‍, കൈമൂര്‍, പാറ്റ്‌ന, ബുക്‌സാര്‍ ജില്ലകളിലാണ് അപകടമുണ്ടായത്. ഭോജ്പൂരില്‍ മാത്രം ഒന്‍പത് പേര്‍ മരണപ്പെട്ടു.

മിന്നലേറ്റ് എട്ട് പേര്‍ മരണപ്പെട്ട് ഒരു ദിവസം പിന്നിടുന്നതിനിടെയാണ് വീണ്ടും അപകടം. മോശം കാലാവസ്ഥാ സമയത്ത് ആളുകള്‍ പുറത്തിറങ്ങാതെ ശ്രദ്ധിക്കണമെന്ന് മുഖ്യമന്ത്രി നിതീഷ് കുമാര്‍ അഭ്യര്‍ഥിച്ചു. മരിച്ചവരുടെ ബന്ധുക്കള്‍ക്ക് മുഖ്യമന്ത്രി നാലു ലക്ഷം രൂപ വീതം ധനസഹായം പ്രഖ്യാപിച്ചു.