തിരുവനന്തപുരം: സംസ്ഥാനത്തെ മികച്ച കാര്‍ഷിക പത്രപ്രവര്‍ത്തകര്‍ക്കുള്ള കര്‍ഷകഭാരതി അവാര്‍ഡിനും മികച്ച കാര്‍ഷിക പരിപാടിക്ക് നല്‍കുന്ന ഹരിതമുദ്ര അവാര്‍ഡിനും നോമിനേഷനുകള്‍ ക്ഷണിച്ചു. അച്ചടി, ദൃശ്യം, നവമാധ്യമം എന്നീ വിഭാഗങ്ങളിലാണ് കര്‍ഷകഭാരതി അവാര്‍ഡ് നല്‍കുന്നത്. ദൃശ്യം, ശ്രവ്യം, ഓണ്‍ലൈന്‍ മാധ്യമം, ഡോക്യുമെന്ററി അല്ലെങ്കില്‍ ടെലിഫിലിം നിര്‍മാതാവ് എന്നീ വിഭാഗങ്ങളിലാണ് ഹരിതമുദ്ര അവാര്‍ഡ്.  നിര്‍ദിഷ്ട മാതൃകയിലുള്ള അപേക്ഷയും അനുബന്ധ രേഖകളും ജൂലൈ 13 നകം പ്രിന്‍സിപ്പല്‍ ഇന്‍ഫര്‍മേഷന്‍ ഓഫിസര്‍, ഫാം ഇന്‍ഫര്‍മേഷന്‍ ബ്യൂറോ, കവടിയാര്‍, തിരുവനന്തപുരം- 695003 എന്ന വിലാസത്തില്‍ സമര്‍പ്പിക്കണം.