ന്യൂഡല്‍ഹി: ഡല്‍ഹി മുന്‍സിപ്പല്‍ കോര്‍പ്പറേഷനുകളിലേക്കുള്ള വോട്ടെടുപ്പില്‍ 54 ശതമാനം പോളിംഗ്. രാവിലെ ഏഴ് മണിക്കാരംഭിച്ച പോളിങ് വൈകിട്ട് 5 മണിക്ക് അവസാനിച്ചു. നോര്‍ത്ത്, ഈസ്റ്റ്, സൗത്ത് എന്നിങ്ങനെ മൂന്ന് മുന്‍സിപ്പല്‍ കോര്‍പ്പറേഷനുകളിലാണ് തെരഞ്ഞെടുപ്പ് നടന്നത്.വിവിധ സ്ഥലങ്ങളില്‍ വോട്ടിംഗ് യന്ത്രങ്ങള്‍ തകരാറിലായതിനെ തുടര്‍ന്ന് വോട്ടെടുപ്പ് നിര്‍ത്തിവച്ചു. 18 വോട്ടിംഗ് യന്ത്രങ്ങളാണ് പോളിംഗ് നടക്കുന്നതിനിടെ മാറ്റിയത്.

ബുധനാഴ്ചയാണ് വോട്ടെണ്ണല്‍.ആംആദ്മിയും ബി.ജെ.പിയും തിരിച്ചുവരവിനൊരുങ്ങുന്ന കോണ്‍ഗ്രസും ചേര്‍ന്ന് ശക്തമായ ത്രികോണ പോരാട്ടമാണ് ഇവിടെ നടക്കുന്നത്.