വടകര: ബസില്‍ നിന്ന് മോഷണത്തിനിടെ മധ്യവയസ്‌കന്‍ പിടിയില്‍. കുന്നംകുളം സാമ്പ്രിക്കല്‍ രാജന്‍ എന്ന പൗലോസി (62)നെയാണ് പിടികൂടിയത്.
ഇന്നലെ രാവിലെ ഒന്‍പതിന് കോഴിക്കോട് നിന്ന് വരികയായിരുന്ന സ്വകാര്യ ബസ് മൂരാട് എത്തിയപ്പോഴാണ് പാട്യം പത്തായക്കുന്ന് കൊല്ലക്കണ്ടി രാജന്‍ എന്നയാളുടെ ബാഗില്‍നിന്ന് ഇയാള്‍ മൂവായിരം രൂപ മോഷ്ടിച്ചത്.
ഇതുകണ്ട സഹായാത്രികര്‍ ബസ് പുതിയ സ്റ്റാന്‍ഡില്‍ എത്തിയപ്പോള്‍ പൊലിസിനെ വിവരമറിയിക്കുകയായിരുന്നു. മോഷ്ടിച്ച പണം പൗലോസില്‍ നിന്ന് കണ്ടെടുത്തു.