പന്നിക്കോട്ടൂര്‍: കൊടുവള്ളി, മുക്കം എന്നിവിടങ്ങളിലായി പ്രവര്‍ത്തിക്കുന്ന നൂരിയ്യ ഇസ്‌ലാമിക് സ്റ്റഡി സെന്ററിന്റെ തണലില്‍ പന്നിക്കോട്ടൂര്‍ തറോലില്‍ താമസിക്കുന്ന നിര്‍ധന കുടുംബത്തിലെ ഹൈറുന്നിസക്ക് മംഗല്യസൗഭാഗ്യം. വെളിമണ്ണ പരേതനായ പാലാട്ട് പൂക്കോയ തങ്ങള്‍ ബാ അലവിയുടെ ഇളയ മകന്‍ ശാഹുല്‍ ഹമീദ് തങ്ങളാണ് വരന്‍. വിവാഹ ചടങ്ങുകള്‍ക്ക് കുട്ടമ്പൂര്‍ ദാറുല്‍ ഹിദായ ഇസ്‌ലാമിക് അക്കാദമി പ്രിന്‍സിപ്പലും മഹല്ല് ഖാസിയുമായ കെ.പി ഇബ്രാഹിം കുട്ടി ഫൈസി നേതൃത്വം നല്‍കി.
നൂരിയ്യ ചെയര്‍മാന്‍ നവാസ് ഓമശ്ശേരി വിവാഹ സന്ദേശ പ്രഭാഷണം നടത്തി. സമസ്ത മുശാവറ അംഗം ഉമര്‍ ഫൈസി മുക്കം, കോഴിക്കോട് ഡി.സി.സി സെക്രട്ടറി പി.പി കുഞ്ഞായിന്‍, സുന്നി മഹല്ല് ഫെഡറേഷന്‍ ജില്ലാ ജനറല്‍ സെക്രട്ടറി സലാം ഫൈസി മുക്കം, സമസ്ത കൊടുവള്ളി മണ്ഡലം ജനറല്‍ സെക്രട്ടറി അബ്ദുല്‍ ബാരി ബാഖവി വാവാട്, എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് പി.പി കുഞ്ഞാലന്‍കുട്ടി ഫൈസി, ഓമശ്ശേരി പഞ്ചായത്ത് മുസ് ലിം ലീഗ് സെക്രട്ടറി ടി.എന്‍ അബ്ദു റസാഖ്, ചെറിയ മുഹമ്മദ് ഫൈസി ഹൈതമി, ടി.എന്‍ ഇബ്രാഹീം കുട്ടി ദാരിമി, അബ്ദുസ്സലാം ഫൈസി കത്തറമ്മല്‍, മൊയ്തീന്‍ കുഞ്ഞി ഹാജി പന്നിക്കോട്ടൂര്‍, കമറുദ്ദീന്‍ വാഫി പൂളപ്പൊയില്‍ എന്നിവര്‍ സംബന്ധിച്ചു.