പയ്യാവൂര്‍: ചന്ദനക്കാംപാറ ചാപ്പക്കടവില്‍ തുറക്കാന്‍ ശ്രമിക്കുന്ന വിദേശമദ്യഷാപ്പിനെതിരേ ഇന്നു രാവിലെ 10ന് ബഹുജന സംഘടനകളുടെയും പ്രദേശവാസികളുടെയും സംയുക്താഭിമുഖ്യത്തില്‍ ധര്‍ണ നടത്തും.
മദ്യവിരുദ്ധ സമിതി സംസ്ഥാന പ്രസിഡന്റ് ഫാ. തോമസ് തൈത്തോട്ടം ഉദ്ഘാടനം ചെയ്യും. പയ്യാവൂര്‍ പഞ്ചായത്ത് പ്രസിഡന്റ് ഡെയ്‌സി ചിറ്റൂപ്പറമ്പില്‍ അധ്യക്ഷയാകും. ജോസ്‌ലെറ്റ് മാത്യു ബോധവല്‍ക്കരണ ക്ലാസെടുക്കും. ഇന്നത്തെ പ്രതിഷേധ ധര്‍ണയ്ക്ക് അനുഭാവം പ്രകടിപ്പിച്ച് വ്യാപാരികള്‍ കടകളടച്ച് പങ്കെടുക്കും.