കോഴിക്കോട്: എസ്.കെ.എസ്.എസ്.എഫിന്റെ സന്നദ്ധസേവന വിഭാഗമായ വിഖായയുടെ സംസ്ഥാനതല രണ്ടാം നേതൃപരിശീലന ക്യാംപ് 19ന് പാലക്കാട് ജില്ലയിലെ ചെര്‍പ്പുളശ്ശേരി സമസ്ത കാര്യാലയത്തില്‍ നടക്കും.
ഒന്നാം ക്യാംപില്‍ പങ്കെടുത്തവരും വിഖായ ജില്ലാസമിതി അംഗങ്ങള്‍, വിഖായ ചുമതലയുള്ള എസ്.കെ.എസ്.എസ്.എഫ് ജില്ലാ സെക്രട്ടറിയേറ്റ് അംഗങ്ങള്‍ എന്നിവരാണ് ക്യാംപില്‍ പങ്കെടുക്കുക.

19 ന് രാവിലെ എട്ടിന് പതാക ഉയര്‍ത്തുന്നതോടെ ആരംഭിക്കുന്ന ക്യാംപ് എസ്.വൈ.എസ് സംസ്ഥാന വൈസ് പ്രസിഡന്റ് സയ്യിദ് പി.കെ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്യും. ആസിഫ് ദാരിമി പുളിക്കല്‍, സത്താര്‍ പന്തലൂര്‍, റഷീദ് ഫൈസി വെള്ളായിക്കോട്, സിദ്ദീഖ് ചെമ്മാട്, സാലിം ഫൈസി കൊളത്തൂര്‍, ഡോ. അബ്ദുല്ല അമീര്‍ അലി, ഡോ. ജവാദ്, ശഫീഖ് ദാരിമി തുടങ്ങിയവര്‍ വിവിധ സെഷനുകള്‍ക്ക് നേതൃത്വം നല്‍കും.

ജലീല്‍ ഫൈസി അരിമ്പ്രയുടെ അധ്യക്ഷതയില്‍ ചേര്‍ന്ന വിഖായ സംസ്ഥാന സമിതി യോഗം ഇബ്‌റാഹിം ഫൈസി പേരാല്‍ ഉദ്ഘാടനം ചെയ്തു. റഷീദ് ഫൈസി വെള്ളായിക്കോട് മുഖ്യപ്രഭാഷണം നടത്തി. സിറാജുദ്ദീന്‍ തൃശൂര്‍, റശീദ് വെങ്ങപ്പള്ളി, നിഷാദ് പട്ടാമ്പി, അയ്യൂബ് മാസ്റ്റര്‍, അബ്ദുല്‍കരീം കുടക് തുടങ്ങിയവര്‍ സംസാരിച്ചു. അബ്ദുസ്സലാം ഫറോക്ക് സ്വാഗതവും നിസാം ഓമശ്ശേരി നന്ദിയും പറഞ്ഞു.