തിരുവനന്തപുരം: മന്ത്രിസഭാ തീരുമാനങ്ങള്‍ വിവരാവകാശ നിയമത്തിന്റെ പരിധിയില്‍ വരികയില്ലെന്ന സര്‍ക്കാര്‍ നിലപാട് പ്രതിഷേധാര്‍ഹമാണെന്ന് പ്രതിപക്ഷ നേതാവ് രമേശ് ചെന്നിത്തല. ഇത്തരം നിലപാടിലൂടെ ഏകാധിപതിയാകാനുള്ള ശ്രമമാണ് പിണറായി നടത്തുന്നത്.
മന്ത്രിസഭാ തീരുമാനങ്ങളില്‍ ഉത്തരവിറങ്ങിയവ മാത്രം വിവരാവകാശ നിയമപ്രകാരം നല്‍കിയാല്‍ മതിയെന്നാണ് വിവരാവകാശ കമ്മിഷണര്‍ വിന്‍സന്‍.എം.പോള്‍ ആവശ്യപ്പെട്ടത്. എന്നിട്ടും എന്തടിസ്ഥാനത്തിലാണ് മുഖ്യവിവരാവകാശ കമ്മിഷണറുടെ നടപടിക്കെതിരേ സര്‍ക്കാര്‍ കോടതിയില്‍ പോകുന്നതെന്നും ചെന്നിത്തല ചോദിച്ചു. മുഖ്യമന്ത്രിയുടെ നിയമോപദേശകന്‍ എം.കെ.ദാമോദരനാണോ ഇത്തരം ഉപദേശങ്ങള്‍ നല്‍കുന്നതെന്ന് കരുതേണ്ടിയിരിക്കുന്നു. കോടതിയില്‍ വാദത്തിനു പോലും വരാതെ ഇത് തള്ളിപ്പോകുമെന്നും ചെന്നിത്തല കൂട്ടിച്ചേര്‍ത്തു.